ଝିଅ ହଉ କିମ୍ବା ପୁଅ କେଶ ପାଇଁ ସମନ୍ତେ ଯତ୍ନଶୀଳ ହୋଇଥାନ୍ତି । ସେଥିପାଇଁ ବହୁ ଟଙ୍କା ଖର୍ଚ୍ଚ କରି ଟ୍ରିଟମେଣ୍ଟକରନ୍ତି । କିନ୍ତୁ ଏହା ସେତେଟା ଫଳ ଦିଏ ନାହିଁ ।ତେଣୁ ବହୁ ଘରୋଇ ଉପଚାର କରନ୍ତି କିନ୍ତୁ ସେପରି ବିଶେଷ ଫଳ ଦେଇ ନଥାଏ । ପୋଷଣ ଅଭାବ, ଚାପ, ହର୍ମୋନ୍ର ପରିବର୍ତ୍ତନ, ଥାଇରଏଡ୍ ସମସ୍ୟା, ମୁଣ୍ଡର ଚର୍ମର ରୋଗ କିମ୍ବା ବଂଶଗତ କାରଣ। ଆସନ୍ତୁ ୁଜାଣିବା କିଛି ଉପାୟ ଯାହା ଦ୍ୱାରା ଆପଣଙ୍କ କେଶ ଠିକ ରହିବ ।
ପୋଷ୍ଟିକ ଖାଦ୍ୟ ଖାଆନ୍ତୁ
ପ୍ରୋଟିନ୍, ଲୋହ, ଜିଙ୍କ୍, ଭିଟାମିନ୍ D ଓ B12ଥିବା ଖାଦ୍ୟ ଖାଆନ୍ତୁ। ଡାଲି, ଅଣ୍ଡା, ମାଛ, ଦୁଧ, ଶାଗ, ଛୋଲା, ବାଦାମ ଓ ବିଭିନ୍ନ ଫଳ ଖାଦ୍ୟରେ ରଖନ୍ତୁ।
କେଶ ଓ ମୁଣ୍ଡର ଚର୍ମକୁ ସଫା ରଖନ୍ତୁ
ନିଜ କେଶର ପ୍ରକାର ଅନୁଯାୟୀ ମାଇଲ୍ଡ୍ ଶାମ୍ପୁ ବ୍ୟବହାର କରନ୍ତୁ। ଅଧିକ ଗରମ ପାଣି, ଜୋରରେ ଘସିବା ଓ ଭିଜା କେଶକୁ ଟାଣିବାରୁ ବଚନ୍ତୁ।
ମୁଣ୍ଡରେ ହାଲୁକା ମସାଜ୍ କରନ୍ତୁ
ନଡ଼ିଆ ତେଲ କିମ୍ବା ଅନ୍ୟ ହାଲୁକା ତେଲରେ ମୁଣ୍ଡରେ ଧୀରେ ମସାଜ୍ କରିପାରନ୍ତି। ଏହା ମୁଣ୍ଡର ଚର୍ମକୁ ଆରାମ ଦେଇପାରେ, କିନ୍ତୁ ଅଧିକ ତେଲ ଲଗାଇ ଦୀର୍ଘ ସମୟ ରଖିବା ଆବଶ୍ୟକ ନୁହେଁ।
ଚାପ କମାନ୍ତୁ ଓ ଭଲରେ ଶୋଇ ପଢନ୍ତୁ
ଅଧିକ ମାନସିକ ଚାପ ଓ ଶୋଇବା ଅଭାବରେ କେଶ ଝଡ଼ିବା ବଢ଼ିପାରେ। ନିୟମିତ ବ୍ୟାୟାମ, ଯୋଗ, ଧ୍ୟାନ ଓ ପ୍ରତିଦିନ ୭–୮ ଘଣ୍ଟା ଶୋଇ ପଡନ୍ତୁ ଏହା ଉପକାର ଦେବ।
କେଶରେ ରାସାୟନିକ ବ୍ୟବହାର କମାନ୍ତୁ
ହେୟାର୍ ଡାଇ, ସ୍ଟ୍ରେଟେନିଂ, କର୍ଲିଂ, ଅଧିକ ହିଟ୍ ଓ ଟାଇଟ୍ ହେୟାର୍ଷ୍ଟାଇଲ୍ କେଶକୁ ଦୁର୍ବଳ କରିପାରେ। ଏଗୁଡ଼ିକର ବ୍ୟବହାର କମାନ୍ତୁ।
ଆବଶ୍ୟକ ହେଲେ ଡାକ୍ତରଙ୍କୁ ଦେଖାନ୍ତୁ
ହଠାତ୍ ଅଧିକ କେଶ ଝଡ଼ିବା, ଗୋଲାକାର ଭାବେ କେଶ ଖସିବା, ମୁଣ୍ଡରେ ଘା ହେବା ଏବଂ କିଛି ମାସ ଧରି ସମସ୍ୟା ଚାଲିଥିଲେ ଚର୍ମରୋଗ ବିଶେଷଜ୍ଞଙ୍କ ପରାମର୍ଶ ନିଅନ୍ତୁ। ଡାକ୍ତରଙ୍କ ପରାମର୍ଶ ବିନା ଭିଟାମିନ୍ କିମ୍ବା ଔଷଧ ନେବେ ନାହିଁ।
ପିଆଜ ରସ, ଲେମ୍ବୁ ରସ କିମ୍ବା ଅନ୍ୟ ଘରୋଇ ଉପାୟ ସମସ୍ତଙ୍କ ପାଇଁ ସୁରକ୍ଷିତ କିମ୍ବା ପ୍ରଭାବଶାଳୀ ନୁହେଁ। ମୁଣ୍ଡରେ ଲଗାଇବା ପୂର୍ବରୁ ଛୋଟ ଅଂଶରେ ପରୀକ୍ଷା କରନ୍ତୁ। ପ୍ରତିଦିନ କିଛି କେଶ ଝଡ଼ିବା ସାଧାରଣ ହୋଇପାରେ। କିନ୍ତୁ ଅଧିକ କିମ୍ବା ଲଗାତାର କେଶ ଝଡ଼ିଲେ ମୂଳ କାରଣ ଜାଣିବା ପାଇଁ ଡାକ୍ତରଙ୍କ ପରାମର୍ଶ ନିଅନ୍ତୁ।