ମନୋଜ ବାଜପେୟୀ ପ୍ରଥମ ଥର ପାଇଁ ମହାତ୍ମା ଗାନ୍ଧୀଙ୍କ ଚରିତ୍ରରେ ନଜର ଆସିବାକୁ ଯାଉଛନ୍ତି ।ଏହା ଏକ ମହତ୍ତ୍ୱାକାଂକ୍ଷୀ ଐତିହାସିକ ଚଳଚ୍ଚିତ୍ର, ନିର୍ମାତା ଅନୁଭବ ସିହ୍ନା ଏବଂ ସୁଧୀର ମିଶ୍ରଙ୍କ ଦ୍ୱାରା ନିର୍ମିତ। ଏହି ଚଳଚ୍ଚିତ୍ରରେ ଅଭିନେତା ସୌରଭ ଶୁକ୍ଳା ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିବେ।
ଏହି ଚଳଚ୍ଚିତ୍ରଟି ଭାରତର ସ୍ୱାଧୀନତା ସଂଗ୍ରାମର ଶେଷ ପର୍ଯ୍ୟାୟର ଏକ କମ୍ ଜଣାଶୁଣା ଅଧ୍ୟାୟକୁ ଲୋକଲୋଚନକୁ ଆଣିବ । ଯାହା ଗାନ୍ଧୀଙ୍କ ଜୀବନର ୨୧ଟି ଗୁରୁତ୍ୱପୂର୍ଣ୍ଣ ଦିଗ ଉପରେ କେନ୍ଦ୍ରିତ। ଏହି କାହାଣୀ ସେହି ସମୟକୁ ଦର୍ଶାଇବ ଯେତେବେଳେ ଭାରତ ସ୍ୱାଧୀନତା ଆଡକୁ ଗତି କରୁଥିଲା ଏବଂ ଦିଲ୍ଲୀ ରାଜନୈତିକ ଶକ୍ତିର କେନ୍ଦ୍ର ଭାବରେ ଉଭା ହେଉଥିଲା।
ସୁଧୀର ମିଶ୍ରଙ୍କ ଅନୁଯାୟୀ, ଗାନ୍ଧୀ ଏହି ଗୁରୁତ୍ୱପୂର୍ଣ୍ଣ ସମୟରେ କ୍ଷମତାର କରିଡରରୁ ନିଜକୁ ଦୂରେଇ ରଖିବାକୁ ବାଛିଥିଲେ। ଏହି ଚଳଚ୍ଚିତ୍ରଟି ତାଙ୍କ ନିଷ୍ପତ୍ତି ପଛରେ ଥିବା କାରଣ, ତାଙ୍କର ବ୍ୟକ୍ତିଗତ ଚିନ୍ତାଧାରା ଏବଂ ତାଙ୍କ କାର୍ଯ୍ୟକୁ ଆକାର ଦେଇଥିବା ଭାବପ୍ରବଣତା ଏବଂ ମାନସିକ ଯାତ୍ରାକୁ ଦର୍ଶକଙ୍କ ନିକଟରେ ପ୍ରଦର୍ଶନ କରିବ ।
ମନୋଜ ବାଜପେୟୀଙ୍କ ପାଇଁ ଏହି ଚଳଚ୍ଚିତ୍ରଟି ଏକ ପ୍ରମୁଖ ମାଇଲଖୁଣ୍ଟ ଭାବରେ ସାବ୍ୟସ୍ତ ହେବ । କାରଣ ସେ ପ୍ରଥମ ଥର ପାଇଁ ‘ବାପୁ’ର ପ୍ରତୀକାତ୍ମକ ଭୂମିକାରେ ଅଭିନୟ କରିବାକୁ ଯାଉଛନ୍ତି। ଏହି ଚଳଚ୍ଚିତ୍ରଟି ଗାନ୍ଧୀଙ୍କୁ କେବଳ ଜଣେ ଐତିହାସିକ ବ୍ୟକ୍ତିତ୍ୱ ଭାବରେ ନୁହେଁ ବରଂ ତାଙ୍କର ଗଭୀର ମାନବୀୟ ଏବଂ ସମ୍ବେଦନଶୀଳ ପାର୍ଶ୍ୱ ମାଧ୍ୟମରେ ମଧ୍ୟ ଉପସ୍ଥାପନ କରିବାକୁ ଲକ୍ଷ୍ୟ ରଖିଛି।