ବ୍ୟାଡମିଣ୍ଟନ ବିଶ୍ୱ ଚାମ୍ପିଅନସିପ୍ର ମହିଳା ଡବଲ୍ସ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି ତ୍ରିସା ଜଲି ଏବଂ ଗାୟତ୍ରୀ ଗୋପୀଚନ୍ଦଙ୍କ ଯୋଡ଼ି
ବ୍ୟାଡମିଣ୍ଟନ ବିଶ୍ୱ ଚାମ୍ପିଅନସିପ୍ର ମହିଳା ଡବଲ୍ସ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି ତ୍ରିସା ଜଲି ଏବଂ ଗାୟତ୍ରୀ ଗୋପୀଚନ୍ଦଙ୍କ ଯୋଡ଼ି । ଏହି ଭାରତୀୟ ଯୋଡ଼ି ଗୁରୁବାର ଦିନ ଜାପାନର ସପ୍ତମ ସୀଡ୍ ପ୍ରାପ୍ତ ରିନ୍ ଇଭାନାଗା ଏବଂ କି ନାକାନିଶିଙ୍କୁ ସିଧାସଳଖ ଗେମ୍ରେ ପରାସ୍ତ କରିଥିଲେ । ଭାରତର ଏହି ଯୋଡ଼ି ଏକତରଫା ମୁକାବିଲାରେ ବିଶ୍ୱର ୭ ନମ୍ବର ଯୋଡ଼ି ରିନ୍ ଏବଂ ନାକାନିଶିଙ୍କୁ ୨୧-୧୬, ୨୧-୧୨ ରେ ପରାସ୍ତ କରିଥିଲେ ।
ନିକଟରେ ଅର୍ଜୁନ ପୁରସ୍କାର ପାଇଥିବା ତ୍ରିସା ଏବଂ ଗାୟତ୍ରୀ ଗେମ୍ ପ୍ରାରମ୍ଭରୁ ଚମତ୍କାର ପ୍ରଦର୍ଶନ କରିଥିଲେ ଏବଂ ନିଜ ପ୍ରତିଦ୍ୱନ୍ଦ୍ୱୀ ଯୋଡ଼ିଙ୍କୁ କୌଣସି ସୁଯୋଗ ଦେଇନଥିଲେ। ଏହି ମୁକାବିଲା ୪୪ ମିନିଟ୍ ଧରି ଚାଲିଥିଲା। ଏହି ଭାରତୀୟ ଯୋଡ଼ି ୨୦୨୨ ଏବଂ ୨୦୨୩ ରେ କ୍ରମାଗତ ଦୁଇ ବର୍ଷ ଅଲ୍ ଇଂଲଣ୍ଡ ଓପନ୍ର ସେମିଫାଇନାଲରେ ପ୍ରବେଶ କରିଥିଲେ। ପରାଜିତ ହୋଇଥିବା ଜାପାନର ଯୋଡ଼ି ଗତ ବିଶ୍ୱ ଚାମ୍ପିଅନସିପ୍ରେ ତୃତୀୟ ସ୍ଥାନ ହାସଲ କରି ବ୍ରୋଞ୍ଜ ପଦକ ଜିତିଥିଲେ।
