ମହିଳା ପ୍ରିମିୟର ଲିଗ୍ର ପଞ୍ଚମ ସଂସ୍କରଣକୁ ନେଇ ବଢ଼ିଲା କ୍ରିକେଟ୍ ପ୍ରେମୀଙ୍କ ଉତ୍କଣ୍ଠା। WPL ୨୦୨୭ ପାଇଁ ମ୍ୟାଚ୍ ସୂଚୀ ଘୋଷଣା କରିଛି ବିସିସିଆଇ। ଆସନ୍ତା ଜାନୁଆରୀ ୧୪ରୁ ଆରମ୍ଭ ହେବ ଏହି ମହାସମର। ଫେବୃଆରୀ ୭ ତାରିଖରେ ଖେଳାଯିବ ଫାଇନାଲ୍ ମୁକାବିଲା। ପ୍ରାୟ ୨୫ ଦିନ ଧରି ଚାଲିବାକୁ ଥିବା ଏହି ଟୁର୍ଣ୍ଣାମେଣ୍ଟରେ ପାଞ୍ଚଟି ଦଳ ମଧ୍ୟରେ ହେବ ଟାଇଟଲ୍ ଲଢ଼େଇ।
ଚଳିତ ସଂସ୍କରଣର ସମସ୍ତ ମ୍ୟାଚ୍ ଭଦୋଦରା ଓ ମୁମ୍ବାଇରେ ଖେଳାଯିବ। ଜାନୁଆରୀ ୧୪ରେ ଭଦୋଦରାରେ ଉଦ୍ଘାଟନୀ ମ୍ୟାଚ୍ରେ ମୁହାଁମୁହିଁ ହେବେ ଡିଫେଣ୍ଡିଂ ଚାମ୍ପିଅନ୍ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ମୁମ୍ବାଇ ଇଣ୍ଡିଆନ୍ସ। ଭଦୋଦରାରେ ଜାନୁଆରୀ ୨୪ ପର୍ଯ୍ୟନ୍ତ ପ୍ରଥମ ପର୍ଯ୍ୟାୟରେ ଖେଳାଯିବ ୧୧ଟି ମ୍ୟାଚ୍।
ଏହାପରେ ଜାନୁଆରୀ ୨୬ରୁ ମୁମ୍ବାଇର ବ୍ରାବୋର୍ଣ୍ଣ ଷ୍ଟାଡିୟମରେ ଆରମ୍ଭ ହେବ ଦ୍ୱିତୀୟ ପର୍ଯ୍ୟାୟ। ଫେବୃଆରୀ ୩ ପର୍ଯ୍ୟନ୍ତ ଚାଲିବ ଲିଗ୍ ପର୍ଯ୍ୟାୟର ମୁକାବିଲା। ଏହାପରେ ଫେବୃଆରୀ ୫ରେ ଖେଳାଯିବ ଏଲିମିନେଟର। ପଏଣ୍ଟ ଟେବୁଲର ଦ୍ୱିତୀୟ ଓ ତୃତୀୟ ସ୍ଥାନରେ ଥିବା ଦଳ ମଧ୍ୟରେ ହେବ ଏହି ଲଢ଼େଇ। ବିଜୟୀ ଦଳ ଫାଇନାଲ୍ରେ ପ୍ରଥମ ସ୍ଥାନରେ ଥିବା ଦଳକୁ ଭେଟିବ।
ଶେଷରେ ଫେବୃଆରୀ ୭ ତାରିଖ ରବିବାର ଦିନ ବ୍ରାବୋର୍ଣ୍ଣ ଷ୍ଟାଡିୟମରେ ଖେଳାଯିବ ଟାଇଟଲ୍ ମୁକାବିଲା। ଆଉ ଏହି ମ୍ୟାଚ୍ରୁ ମିଳିବ WPL ୨୦୨୭ର ନୂଆ ଚାମ୍ପିଅନ୍। ବିସିସିଆଇର ସୂଚନା ଅନୁସାରେ, ଟୁର୍ଣ୍ଣାମେଣ୍ଟର ସମସ୍ତ ୨୨ଟି ମ୍ୟାଚ୍ ସନ୍ଧ୍ୟା ୭ଟା ୩୦ରୁ ଆରମ୍ଭ ହେବ।
