ଦଶରଥପୁରରେ ପୁଣିଥରେ ବନ୍ୟା ପରିସ୍ଥିତି ସୃଷ୍ଟି ହୋଇଥିବାବେଳେ ଅନେକ ପରିବାର ପାଣି ଘେରରେ ରହି ଦୁର୍ଦ୍ଦଶାରେ ଦିନ କାଟୁଛନ୍ତି। ଏଭଳି ସଙ୍କଟ ସମୟରେ ଶୁଶୁଆ ପଞ୍ଚାୟତ ଗସ୍ତ କରି ବନ୍ୟା ପୀଡ଼ିତଙ୍କ ସମସ୍ୟା ବୁଝିଛନ୍ତି କାବ୍ୟା ଧଳ।
ବନ୍ୟାଜଳ ଘେରରେ ରହୁଥିବା ଲୋକମାନେ ଖାଦ୍ୟ ପାଇବାରେ ହେଉଥିବା ଅସୁବିଧା ସମ୍ପର୍କରେ ତାଙ୍କୁ ଅବଗତ କରାଇଥିଲେ। ଲୋକଙ୍କ ଏହି ସମସ୍ୟାକୁ ଗୁରୁତ୍ୱର ସହ ନେଇ କାବ୍ୟା ଧଳ ତିନି ଦିନ ପାଇଁ ବନ୍ୟା ପୀଡ଼ିତଙ୍କ ନିମନ୍ତେ ରନ୍ଧା ଖାଦ୍ୟର ବ୍ୟବସ୍ଥା କରିଛନ୍ତି।
ବନ୍ୟାରେ ଜୀବନଯାତ୍ରା ପ୍ରଭାବିତ ହୋଇଥିବାବେଳେ କେହି ଯେପରି ଭୋକରେ ନରୁହନ୍ତି, ସେଥିପାଇଁ ନିଆଯାଇଥିବା ଏହି ପଦକ୍ଷେପକୁ ସ୍ଥାନୀୟ ଲୋକେ ସ୍ୱାଗତ କରିଛନ୍ତି। ବିପଦ ସମୟରେ ପୀଡ଼ିତଙ୍କ ପାଖରେ ଠିଆ ହୋଇ ସହଯୋଗର ହାତ ବଢ଼ାଇବାର ଏହି ପ୍ରୟାସ ମାନବିକତାର ଏକ ଉଦାହରଣ ପାଲଟିଛି।
