ଭାରତ ଏବଂ ଶ୍ରୀଲଙ୍କା ମଧ୍ୟରେ ଆଗାମୀ ଟେଷ୍ଟ ସିରିଜ୍ ଅଗଷ୍ଟ ୧୫ ତାରିଖରେ ଆରମ୍ଭ ହେବାକୁ ଯାଉଛି । ହେଲେ ତା ପୂର୍ବରୁ, ଟିମ୍ ଇଣ୍ଡିଆକୁ ଏକ ବଡ଼ ଝଟକା ଲାଗିଛି । ବାମହାତୀ ବ୍ୟାଟର ସାଇ ସୁଦର୍ଶନ ଆଘାତ ଯୋଗୁଁ ଟେଷ୍ଟରୁ ବାଦ ପଡ଼ିଛନ୍ତି । ସେ ଆହତ ଥିବାରୁ ସିରିଜ ପାଇଁ ଟିମ୍ ଇଣ୍ଡିଆ ସହ ଶ୍ରୀଲଙ୍କା ଗସ୍ତ କରିନଥିଲେ । ବିସିସିଆଇ ସେଣ୍ଟର ଅଫ୍ ଏକ୍ସଲେନ୍ସରେ ଥିଲେ । ଏବେ ଖବର ଆସୁଛି କି ସେ ସିରିଜରୁ ବାଦ୍ ପଡିଛନ୍ତି । ତାଙ୍କ ସ୍ଥାନରେ ଦେବଦତ୍ତ ପାଡିକରଙ୍କୁ ସୁଯୋଗ ମିଳିପାରେ ।
ସୁଦର୍ଶନ ଅନୁପସ୍ଥିତ ରହିବା ଏଥିପାଇଁ ମଧ୍ୟ ଗୁରୁତ୍ୱପୂର୍ଣ୍ଣ କାରଣ ବାମହାତୀ ବ୍ୟାଟସମ୍ୟାନ୍ ତାଙ୍କର ଟେଷ୍ଟ ଡେବ୍ୟୁ ପରଠାରୁ ଭାରତର ନମ୍ବର ୩ ସ୍ଥାନରେ ନିଜର ସ୍ଥାନକୁ ସୁଦୃଢ଼ କରିଥିଲେ । ସେ ସାତଟି ଟେଷ୍ଟ ମ୍ୟାଚ୍ ରେ ୩୧.୯୧ ହାରରେ ୩୮୩ ରନ୍ କରିଛନ୍ତି । ସାଇ ସୁଦର୍ଶନ ନିଜର ଫିଟନେସ୍ ସହ ପଡିଆକୁ ଫେରିବା ଏବଂ ବେଙ୍ଗାଲୁରୁର ସେଣ୍ଟର ଅଫ୍ ଏକ୍ସଲେନ୍ସ (ସିଓଇ)ରେ କିଛି ସମୟ ଧରି କଠିନ ପରିଶ୍ରମ କରୁଥିଲେ । ସେ ଖୁବ୍ ଶୀଘ୍ର ଦଳରେ ଯୋଗ ଦେବେ ବୋଲି ବିଶ୍ୱାସ କରାଯାଉଥିଲା । କିନ୍ତୁ ତାହା ହୋଇନାହିଁ । ଶ୍ରୀଲଙ୍କା ବିପକ୍ଷ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ପୂର୍ବରୁ ଭାରତୀୟ କ୍ରିକେଟ୍ ଦଳକୁ ସୁଦର୍ଶନ ଝଟକା ଲାଗିଛି।
