ଭାରତୀୟ ହକି ଦଳ ନ୍ୟୁଜିଲାଣ୍ଡର ଅକଲ୍ୟାଣ୍ଡର ନର୍ଥ ହାର୍ବର ନ୍ୟାସନାଲ ହକି ସେଣ୍ଟରରେ ଖେଳାଯାଇଥିବା ଏହାର ଅନ୍ତିମ ପୁଲ ଏ ମ୍ୟାଚରେ ଉରୁଗୁଏକୁ 3-2 ଗୋଲରେ ପରାସ୍ତ କରି FIH ମହିଳା ନେସନ୍ସ କପ୍ 2025-26 ରେ ତା’ର ପ୍ରଭାବଶାଳୀ ପ୍ରଦର୍ଶନ ଜାରି ରଖିଛି । ହକି ରାଙ୍କିଙ୍ଗରେ ୧୭ତମ ସ୍ଥାନରେ ଥିବା ଉରୁଗୁଏ ପାଇଁ ଚିଆରା ଆପେନିନୋ (୧୩’) ଏବଂ ମାନୁଏଲା ଭିଲାର (୫୫’) ଗୋଲ ସ୍କୋର କରିଥିଲେ , ଯେତେବେଳେ ବିଶ୍ୱର ୯ ନମ୍ବର ଭାରତ ପାଇଁ ଦୀପିକା ସେହରାୱତ (୨୪’, ୫୬’) ଏବଂ ଦୀପିକା ସୋରେଙ୍ଗ (୪୩’) ଗୋଲ ଦେଇଥିଲେ। ଭାରତୀୟ ମିଡଫିଲ୍ଡର ନେହା
ମ୍ୟାଚ୍ ସମୟରେ ଭାରତୀୟ ମହିଳା ହକି ଦଳ ପାଇଁ ତାଙ୍କର 200ତମ ବରିଷ୍ଠ ଅନ୍ତର୍ଜାତୀୟ ପ୍ରଦର୍ଶନ ପାଳନ କରିଥିଲେ ।ଏହି ବିଜୟ ଭାରତ ପାଇଁ ପୁଲ୍ ଏ’ରେ ଆମେରିକା, ଜାପାନ ଏବଂ ଉରୁଗୁଏ ଉପରେ ଲଗାତାର ତିନୋଟି ବିଜୟ ସହିତ ଶୀର୍ଷ ସ୍ଥାନ ନିଶ୍ଚିତ କରିଥିଲା। ଦ୍ୱିତୀୟ ସ୍ଥାନ ଅଧିକାର କରିବା ପରେ ଆମେରିକା ପୁଲ୍ ଏ’ରୁ ସେମିଫାଇନାଲ୍ ରେ ଭାରତ ସହିତ ଯୋଗ ଦେଇଥିଲା।ଏକ ସଂଘର୍ଷପୂର୍ଣ୍ଣ ପ୍ରଥମ କ୍ୱାର୍ଟର ପରେ ଚିଆରା ପେନାଲ୍ଟି କର୍ଣ୍ଣରକୁ ଗୋଲରେ ପରିଣତ କରି ଉରୁଗୁଏ ୧୩ତମ ମିନିଟରେ ଆଗୁଆ ହୋଇଥିଲା।