ଆତଙ୍କୀ ହମଲାକୁ ନେଇ ଭାରତ କିଛି ଦିନରେ ପାକିସ୍ତାନ ବିପକ୍ଷରେ ନେଇଛି ନଅ ବଡ ପଦକ୍ଷେପ

ନୂଆଦିଲ୍ଲୀ-: ପହଲଗାମ ଆତଙ୍କବାଦୀ ଆକ୍ରମଣ ପୁଣି ପାକିସ୍ତାନର ଅସଲ ଚେହେରା ଉପରୁ ପରଦା ହଟାଇଛି । ଆତଙ୍କବାଦୀଙ୍କ ଚରାଭୂମି ପାଲଟିଥିବା ପାକିସ୍ତାନ ବର୍ଷ ବର୍ଷ ଧରି କାଶ୍ମୀର ନାଁରେ ମାନବବାଦକୁ ରକ୍ତରଞ୍ଜିତ କରିଛି । ବିଭାଜନ ପରଠୁ ହିଁ କେତେବେଳେ ଯୁଦ୍ଧ ତ କେତେବେଳେ ଆତଙ୍କବାଦୀ ଆକ୍ରମଣକୁ ନେଇ ମୁହାଁମୁହିଁ ହୋଇଛନ୍ତି ଭାରତ ଓ ପାକିସ୍ତାନ । ସବୁବେଳେ ବିବାଦର କେନ୍ଦ୍ରରେ ରହିଛି କାଶ୍ମୀର । ଭାରତ-ପାକିସ୍ତାନ ମଧ୍ୟରେ ଅଶାନ୍ତି ଦକ୍ଷିଣ ଏସିଆ ରାଜନୈତିକ ମାହୋଲକୁ ଉତ୍ତେଜନାପୂର୍ଣ୍ଣ କରିଛି । ପହଲଗାମ ଆତଙ୍କବାଦୀ ହମଲା ସ୍ଥିତିକୁ ଆହୁରି ଖରାପ କରିଛି । ଆତଙ୍କୀ ହମଲାକୁ ନେଇ ଭାରତ କିଛି ଦିନରେ ପାକିସ୍ତାନ ବିପକ୍ଷରେ ନେଇଛି ନଅ ବଡ ପଦକ୍ଷେପ । ତେବେ ଭାରତ ସରକାର ନେଇଥିବା ପଦକ୍ଷେପ ଗୁଡିକ ହେଉଛି,

୧. ଅଟ୍ଟାରୀ-ୱାଘା ବର୍ଡର ବନ୍ଦ କରାଯାଇଛି ଯାହାଫଳରେ କୌଣସି ପାକିସ୍ତାନୀ ଭାରତ ଆସିପାରିବେନି କେବଳ ଅଟ୍ଟାରୀ ସୀମା ଦେଇ ପାକିସ୍ତାନୀ ଯାଇପାରିବେ ।

୨. ପାକିସ୍ତାନରେ ଥିବା ଭାରତୀୟ ଦୂତାବାସ ବନ୍ଦ ନିଷ୍ପତ୍ତି ଏବଂ ସାର୍କ ଭିସାକୁ ମଧ୍ୟ ବନ୍ଦ କରିଛି ଭାରତ ।

୩. ସିନ୍ଧୁ ଜଳ ଚୁକ୍ତି ରଦ୍ଦ କରି ଭାରତ ପାକିସ୍ତାନ ଉପରେ ୱାଟର ଷ୍ଟ୍ରାଇକ୍‌ କରିଛି । ଯାହା ଫଳରେ ପାକିସ୍ତାନର ୮୦% ଚାଷଜମି ସହିତ ହାଇଡ୍ରୋ ପାୱାର ପ୍ରୋଜେକ୍ଟ ମଧ୍ୟ ପ୍ରଭାବିତ ହୋଇଛି ।

୪. ଦୂତାବାସରେ କର୍ମଚାରୀଙ୍କ ସଂଖ୍ୟା ୫୫ରୁ ୩୦କୁ ହ୍ରାସ କରିଛି ।

୫. ଡିଜିଟାଲ ଷ୍ଟ୍ରାଇକ୍‌ ମାଧ୍ୟମରେ ୧୬ ୟୁଟୁବ ଚାନେଲ ବ୍ୟାନ ସହିତ ପାକିସ୍ତାନର ସରକାରୀ ଓ୍ବେବସାଇଟ୍‌ ଓ ‘ଏକ୍ସ’ ହ୍ୟାଣ୍ଡେଲ ବ୍ଲକ୍‌ କରାଯାଇଛି ।

୬. ମେ ୨୩ ଯାଏଁ ଏୟାର ସ୍ପେସ୍‌ ବନ୍ଦ ରଖିବାକୁ ସିସିପିଏ ବୈଠକରେ ନିଷ୍ପତ୍ତି ନିଆଯାଇ ଭାରତ ଏୟାର ସ୍ପେସ୍‌ରେ ପାକିସ୍ତାନୀ ବିମାନ ଉଡାଇବା ଉପରେ ପ୍ରତିବନ୍ଧକ ଲଗାଯାଇଛି ଏବଂ ବର୍ଡରରେ ଜାମର ଲଗାଯାଇଛି ।

୭. ସୀମାରେ ଅସ୍ତ୍ର ବିରତି ଉଲଂଘନ କରୁଥିବା ପାକିସ୍ତାନକୁ କଡ଼ା ଜବାବ ଦିଆଯାଉଛି ।

୮. ପାକିସ୍ତାନୀ ସେଲିବ୍ରିଟିଙ୍କ ଇନଷ୍ଟାଗ୍ରାମ ଆକାଉଣ୍ଟ ସହିତ ଲୋକପ୍ରିୟ ଏଣ୍ଟରଟେନମେଣ୍ଟ ଚ୍ୟାନେଲକୁ ମଧ୍ୟ ଭାରତ ସରକାରଙ୍କ ପକ୍ଷରୁ ବ୍ୟାନ କରାଯାଇଛି ।

୯. ଲସ୍କର-ଏ-ତୈବା  ଆତଙ୍କବାଦୀଙ୍କ ଘରକୁ ମାଟିରେ ମିଶାଯାଇଛି ।