ଭୁବନେଶ୍ୱର-: ଓରେରା ନୂତନ ଅଧ୍ୟକ୍ଷ ହେଲେ ଅସିତ ମହାପାତ୍ର । ଏହା ସହିତ, ରାଜେନ୍ଦ୍ର ମିଶ୍ର ଏବଂ ଶ୍ୟାମସୁନ୍ଦର ଦାସଙ୍କୁ ଓଡ଼ିଶା ରିଅଲ୍ ଇଷ୍ଟେଟ୍ ନିୟାମକ ପ୍ରାଧିକରଣର ସଦସ୍ୟ ଭାବରେ ନିଯୁକ୍ତ କରାଯାଇଛି । ନିଯୁକ୍ତି ନେଇ ରାଜ୍ୟ ସରକାରଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ନିୟନ୍ତ୍ରଣ ଏବଂ ବିକାଶ ଆଇନ, ୨୦୧୬ର ଧାରା ୨୦ର ଉପ-ଧାରା ୧ ଏବଂ ଓଡ଼ିଶା ନିୟନ୍ତ୍ରଣ ଏବଂ ବିକାଶ ନିୟମ, ୨୦୧୭ର ନିୟମ ୧୮ (୭) ଅନୁଯାୟୀ ପ୍ରଦାନ କରାଯାଇଥିବା କ୍ଷମତା ବ୍ୟବହାର କରି, ରାଜ୍ୟ ସରକାର ଶ୍ରୀ ଅସିତ କୁମାର ମହାପାତ୍ରଙ୍କୁ ଓଡ଼ିଶା ରିଅଲ୍ ଇଷ୍ଟେଟ୍ ନିୟାମକ ପ୍ରାଧିକରଣ (ORERA)ର ଅଧ୍ୟକ୍ଷ ଭାବରେ ନିଯୁକ୍ତ କରିଛନ୍ତି ।
