ଓଡ଼ିଶା କ୍ରାଇମବ୍ରାଞ୍ଚ ସିଆଇଡି ଆଇଜିଙ୍କ ପରଲୋକ । ଓଡିଶାର ପୋଲିସ ମହାନିରୀକ୍ଷକ ଭାବରେ କାର୍ଯ୍ୟ କରୁଥିବା ୨୦୦୩ ବ୍ୟାଚର ଓଡିଶା କ୍ୟାଡର ଅଧିକାରୀ ଆଇପିଏସ ଶଫିନ ଅହମ୍ମଦଙ୍କର ସୋମବାର ତିରୁବନନ୍ତପୁରମର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା। ରିପୋର୍ଟ ଅନୁଯାୟୀ, କେରଳର ମୂଳ ନିବାସୀ IPS ସଫିନ ଅହମ୍ମଦ କର୍କଟ ରୋଗରେ ପୀଡିତ ଥିଲେ। ସେ ଜୁଲାଇ ୨୦୨୩ ରୁ ଓଡିଶା ପୋଲିସ କ୍ରାଇମ ବ୍ରାଞ୍ଚରେ ଇନ୍ସପେକ୍ଟର ଜେନେରାଲ ଭାବରେ ନିଯୁକ୍ତି ପାଇଥିଲେ।
ଇଞ୍ଜିନିୟରିଂ ସ୍ନାତକ ଏବଂ ସିଆଇଟିୟୁ ନେତା ହବିବଙ୍କ ପୁଅ ଶଫିନ ଅହମ୍ମଦ ପୂର୍ବରୁ କେରଳରେ କିଛି ବର୍ଷ ପାଇଁ ଇଣ୍ଟର-କ୍ୟାଡର ଡେପୁଟେସନରେ କାର୍ଯ୍ୟ କରିଥିଲେ। ଯେଉଁଥିରେ ତିରୁଅନନ୍ତପୁରମର ପୋଲିସ ଅଧିକ୍ଷକ (ଗ୍ରାମୀଣ) ଭାବରେ ମଧ୍ୟ କାର୍ଯ୍ୟ କରିଥିଲେ। ସାଇବର ଅପରାଧ ବିଭାଗ ଏବଂ ସିଆଇଡି-ସିବିରେ ତାଙ୍କ କାର୍ଯ୍ୟ ପାଇଁ ତାଙ୍କୁ ଅନେକ ସମ୍ମାନ ଏବଂ ପଦକରେ ସମ୍ମାନିତ କରାଯାଇଥିଲା।
Deeply saddened by the untimely passing of Shefeen Ahamed K, IPS, I.G. of Police, CID, CB.
His dedicated service to the State and Odisha Police will always be remembered.
My heartfelt condolences to his family, colleagues and loved ones. May his soul rest in peace. pic.twitter.com/WnXeYvXXC4
— Mohan Charan Majhi (@MohanMOdisha) August 31, 2026
ତାଙ୍କ ଅକାଳ ବିୟୋଗରେ ଶୋକ ପ୍ରକାଶ କରି, ଓଡ଼ିଶା ମୁଖ୍ୟମନ୍ତ୍ରୀ ମୋହନ ମାଝୀ X ରେ ଲେଖିଛନ୍ତି “IPS ସଫିନ୍ ଅହମ୍ମଦଙ୍କ ଅକାଳ ବିୟୋଗରେ ଗଭୀର ମର୍ମାହତ। ରାଜ୍ୟ ଏବଂ ଓଡ଼ିଶା ପୋଲିସ ପ୍ରତି ତାଙ୍କର ଉତ୍ସର୍ଗୀକୃତ ସେବା ସର୍ବଦା ମନେ ରହିବ। ତାଙ୍କ ପରିବାର, ସହକର୍ମୀ ଏବଂ ପ୍ରିୟଜନଙ୍କ ପ୍ରତି ମୋର ସମବେଦନା। ତାଙ୍କ ଆତ୍ମାକୁ ଶାନ୍ତି ମିଳୁ।”
Deeply saddened by the untimely passing of Shefeen Ahamed K, IPS, I.G. of Police, CID, CB. His unwavering dedication and distinguished service to the State and Odisha Police will forever be remembered. My heartfelt condolences to his family, colleagues, and loved ones. May his… pic.twitter.com/3VuuA2bn30
— Kanak Vardhan Singh Deo (Modiji Ka Parivar) (@KVSinghDeo1) August 31, 2026
ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହ ଦେଓ ମଧ୍ୟ X ରେ ଶ୍ରଦ୍ଧାଞ୍ଜଳି ଅର୍ପଣ କରି କହିଛନ୍ତି, “IPS ସଫିନ୍ ଅହମ୍ମଦଙ୍କ ଅକାଳ ବିୟୋଗରେ ଗଭୀର ମର୍ମାହତ। ରାଜ୍ୟ ଏବଂ ଓଡ଼ିଶା ପୋଲିସ ପ୍ରତି ତାଙ୍କର ଅଟଳ ନିଷ୍ଠା ଏବଂ ବିଶିଷ୍ଟ ସେବା ସର୍ବଦା ମନେ ରହିବ। ତାଙ୍କ ପରିବାର, ସହକର୍ମୀ ଏବଂ ପ୍ରିୟଜନଙ୍କ ପ୍ରତି ମୋର ସମବେଦନା। ତାଙ୍କ ମହାନ ଆତ୍ମାକୁ ଅନନ୍ତ ଶାନ୍ତି ମିଳୁ।”