ବ୍ରିଟିଶ ପ୍ରଧାନମନ୍ତ୍ରୀ କୀର ଷ୍ଟାରମର୍ ସୋସିଆଲ ମିଡିଆ ପ୍ଲାଟଫର୍ମଗୁଡ଼ିକୁ, ଅସୀମିତ ସ୍କ୍ରୋଲ୍ ଫିଚରକୁ ବନ୍ଦ କରିବାକୁ କହିଛନ୍ତି । ଇନଷ୍ଟାଗ୍ରାମ ଏବଂ ଟିକଟକ୍ ଭଳି ପ୍ଲାଟଫର୍ମ ଯୁବକମାନଙ୍କ ମଧ୍ୟରେ ନିଶା ସୃଷ୍ଟି କରୁଛି । ଯାହା ଏକ ପ୍ରମୁଖ ସମସ୍ୟା ପାଲଟିଛି। ଷ୍ଟାରମର କହିଛନ୍ତି ଯେ, ୟୁକେ ସରକାର 16 ବର୍ଷରୁ କମ୍ ବୟସର ପିଲାମାନଙ୍କ ପାଇଁ ସୋସିଆଲ ମିଡିଆ ପ୍ରତିବନ୍ଧକ ଉପରେ ବିଚାର କରୁଛନ୍ତି। କର୍ଫ୍ୟୁ, ଆପ୍ ସମୟ ସୀମା ଏବଂ ଅନ୍ୟାନ୍ୟ ପଦକ୍ଷେପଗୁଡ଼ିକର ପ୍ରଭାବଶାଳୀତା ବୁଝିବା ପାଇଁ ପରୀକ୍ଷା କରାଯାଉଛି। ସୋସିଆଲ ମିଡିଆ କମ୍ପାନୀଗୁଡ଼ିକର ଆଲଗୋରିଦମ ଏପରି ଭାବରେ ଡିଜାଇନ୍ କରାଯାଇଛି ଯେ ସେମାନେ ବ୍ୟବହାରକାରୀଙ୍କୁ ଅଧିକ ସମୟ ପାଇଁ ପ୍ଲାଟଫର୍ମରେ ରଖିପାରିବେ। ଏହି ସମୟରେ, ଅନ୍ୟ ଦେଶଗୁଡ଼ିକ ମଧ୍ୟ ଏହି ଦିଗରେ ପଦକ୍ଷେପ ନେଉଛନ୍ତି। ଗତ ବର୍ଷ ଡିସେମ୍ବରରେ, ଅଷ୍ଟ୍ରେଲିଆ ୧୬ ବର୍ଷରୁ କମ୍ ବୟସର ପିଲାମାନଙ୍କ ପାଇଁ ସୋସିଆଲ ମିଡିଆକୁ ନିଷେଧ କରିବାରେ ବିଶ୍ୱର ପ୍ରଥମ ଦେଶ ହୋଇଥିଲା। ଗ୍ରୀସ୍ ଏବଂ ଇଣ୍ଡୋନେସିଆ ମଧ୍ୟ ସମାନ କଟକଣା ଲାଗୁ କରିଛନ୍ତି।
