ନୂଆଦିଲ୍ଲୀ: ୩ ସନ୍ତାନ ସପକ୍ଷରେ RSS ମୁଖ୍ୟ ମୋହନ ଭାଗବତ । ପ୍ରତି ପରିବାରରେ ସମ୍ପ୍ରତ୍ତି ୩ ସନ୍ତାନ ରହିବା ଭଲ ବୋଲି କହିଛନ୍ତି RSS ମୁଖ୍ୟ । ଜନସଂଖ୍ୟାଗତ ପରିବର୍ତ୍ତନ ଓ ନିୟନ୍ତ୍ରଣ ଉପରେ ପ୍ରଶ୍ନରେ ଏପରି କହିଛନ୍ତୁ ମୋହନ ଭାଗବତ । ସେ କହିଛନ୍ତି, ପରିବାର ୩ ସନ୍ତାନରୁ କମ୍ ରହିଲେ କ୍ରମଶଃ ବଂଶରକ୍ଷା କଷ୍ଟକର । ସଠିକ ସମୟରେ ବିବାହ ଓ ୩ ସନ୍ତାନ ପ୍ରସବ ଆମ ପାଇଁ ସ୍ବାସ୍ଥ୍ୟକର । ଆମ ଦେଶର ଲୋକସଂଖ୍ୟା ୨.୧ ସନ୍ତାନ ଆବଶ୍ୟକ କରୁଛି । ଅର୍ଥାତ ଏହାକୁ ବିଶ୍ଲେଷଣ କଲେ ୨.୧ ଅର୍ଥ ୩ ସନ୍ତାନ । ଦେଶର ସ୍ବାର୍ଥ ପାଇଁ ସବୁ ଦମ୍ପତି ୩ ସନ୍ତାନ କଥା ଚିନ୍ତା କରନ୍ତୁ ବୋଲି କହିଛନ୍ତି RSS ମୁଖ୍ୟ ମୋହନ ଭାଗବତ ।
ଆରଏସଏସର ୧୦୦ତମ ବାର୍ଷିକୀ ଉପଲକ୍ଷେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଭାଗବତ କହିଛନ୍ତି, ଡାକ୍ତରମାନେ କୁହନ୍ତି ଯେ ୩ଟି ସନ୍ତାନ ଜନ୍ମ କରିବା ଦ୍ୱାରା ତିନି ଜଣଙ୍କ ସ୍ୱାସ୍ଥ୍ୟ ଭଲ ରହିଥାଏ । ଏହା ସହିତ, ପିଲାମାନେ ପରସ୍ପର ସହିତ ଖାପ ଖୁଆଇବା ମଧ୍ୟ ଶିଖନ୍ତି।” ଭାରତରେ ବର୍ତ୍ତମାନ ଜନ୍ମହାର ୨.୧ ରହିଛି । ଅର୍ଥାତ୍ ୩ଟି ପିଲା ହେବା ଉଚିତ କାରଣ ୨.୧ ହେବା ଉଚିତ୍ ନୁହେଁ ।
ଜନସଂଖ୍ୟା ବୃଦ୍ଧି ଗୋଟିଏ ବରଦାନ ହୋଇପାରେ। କିନ୍ତୁ ଏହା ଗୋଟିଏ ବୋଝରେ ମଧ୍ୟ ପରିଣତ ହେବାର ଆଶଙ୍କା ରହିଛି। ପରିଶେଷରେ ଆମକଙ୍କୁ ସମସ୍ତଙ୍କ ପେଟ ପୂରାଇବାକୁ ପଡ଼ିବ। ଏଥିପାଇଁ ଜନସଂଖ୍ୟା ନୀତି ରହିଛି। ପରିବାରରେ ୩ଟି ପିଲା ରହିବା ଦରକାର। କିନ୍ତୁ ଏହା ଠାରୁ ଅଧିକ ନୁହେଁ। ଏହାଦ୍ୱାରା ଜନସଂଖ୍ୟା ନିୟନ୍ତ୍ରଣରେ ରହିପାରିବ। ସେମାନଙ୍କ ଲାଳନପାଳନ କେମିତି ଠିକ ଭାବେ ହେବ, ତା’କୁ ମଧ୍ୟ ନିଶ୍ଚିତ କରିବାକୁ ପଡ଼ିବ। ନୂଆ ପିଢ଼ିଙ୍କ ୩ଟି ପିଲା ରୁହନ୍ତୁ ବୋଲି ସମସ୍ତଙ୍କୁ ସ୍ୱୀକାର କରିବାକୁ ପଡ଼ିବ।