ନୂଆଦିଲ୍ଲୀ: ଇଡି ରେ ହାଜର ହେଲେ ଆପ ମନ୍ତ୍ରୀ କୈଳାସ ଗେହଲଟ । ଆଜି ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) କାର୍ୟ୍ୟାଳୟରେ ପହଞ୍ଚିଛନ୍ତି ଦିଲ୍ଲୀ ପରିବହନ ମନ୍ତ୍ରୀ ତଥା ଆମ୍ ଆଦମୀ ପାର୍ଟି ନେତା କୈଳାସ ଗେହଲଟ । ଦିଲ୍ଲୀ ମଦ ନୀତି ଦୁର୍ନୀତି ସହ ଜଡ଼ିତ ଅର୍ଥ ହେରଫେର ମାମଲାରେ ପଚରାଉଚରା ପାଇଁ ପ୍ରବର୍ତ୍ତନ ନିର୍ଦ୍ଦେଶାଳୟ ତାଙ୍କୁ ସମନ କରିଥିଲା। କୈଳାସ ଗେହଲଟଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟର ସମନ ଉପରେ ଆପ୍ ନେତା ଆତିଶୀ କହିଛନ୍ତି ଯେ ‘ଆମ୍ ଆଦମୀ ପାର୍ଟିର ପ୍ରମୁଖ ନେତାଙ୍କୁ ଗିରଫ କରିବା ଦିଲ୍ଲୀରେ ନିର୍ବାଚିତ ସରକାରକୁ ଭାଙ୍ଗିବା ପାଇଁ ଏକ ଷଡ଼ଯନ୍ତ୍ର। ଆମ୍ ଆଦମୀ ପାର୍ଟିକୁ ପରାସ୍ତ କରିପାରିବ ନାହିଁ ବୋଲି ବିଜେପି ଜାଣି ସାରିଥିବାରୁ ଦଳ ବିରୋଧରେ ଷଡ଼ଯନ୍ତ୍ର କରୁଛି’ ବୋଲି ସେ ଅଭିଯୋଗ କରିଛନ୍ତି ।
