ଉତ୍ତର ପ୍ରଦେଶରେ ଘଟିଥିବା ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି । ଫରୁଖାବାଦ ଜିଲ୍ଲା ମଦନପୁର ଗାଁରେ ଏକ ତିନି ବର୍ଷର ଶିଶୁପୁତ୍ର ଗୋଟିଏ ସାପକୁ ଚୋବାଇ ଦେବାରୁ ତାହା ମରିଯାଇଥିବା ବେଳେ ଶିଶୁଟି ସୁସ୍ଥ ଅଛି।
ମିଳିଥିବା ସୂଚନା ଅନୁସାରେ, ଦୀନେଶ କୁମାରଙ୍କ ପୁଅ ଅକ୍ଷୟ ଘର ପାଖରେ ଖେଳୁଥିବା ବେଳେ ଏକ ଛୋଟ ସାପକୁ ଦେଖିଥିଲା। ସେ ସାପଟି ଧରି ପାଟିରେ ଭର୍ତ୍ତି କରି ଦେଇଥିଲା ଓ ତାକୁ ଚୋବାଇ ଦେଇଥିଲା। ସାପଟି ତା’ ଦାନ୍ତରେ ଲାଗି ରହିବାରୁ ସେ ଜୋରରେ କାନ୍ଦିଥିଲା। ପିଲାଟିର କାନ୍ଦ ଶୁଣି ତା’ ଜେଜେ ମା’ ଧାଇଁ ଆସିଥିଲେ। ନାତି ପାଟିରେ ସାପ ଦେଖି ସେ ଡରି ଯାଇଥିଲେ। ସେ ସଙ୍ଗେ ସଙ୍ଗେ ସାପଟିକୁ ଶିଶୁଟିର ପାଟିରୁ କାଢ଼ି ଦେଇଥିଲେ। ସାପଟି ସେତେବେଳକୁ ମରି ଯାଇଥିଲା। ତା’ପରେ ସେ ଶିଶୁଟିକୁ ତୁରନ୍ତ ଡାକ୍ତରଖାନା ନେଇଥିଲେ। ଡାକ୍ତର ଛୁଆଟିକୁ ଭଲ ଭାବେ ଯାଞ୍ଚ କରିବା ପରେ ଆବଶ୍ୟକ ଔଷଧ ଦେଇଥିଲେ। ୨୪ ଘଣ୍ଟା ନିରୀକ୍ଷଣରେ ରଖିବା ପରେ ଡାକ୍ତର ତାକୁ ଡିସଚାର୍ଜ କରି ଦେଇଥିଲେ। ଛୁଆଟି ପୂରା ସୁସ୍ଥ ଅଛି ବୋଲି ଡାକ୍ତର କହିଥିଲେ। ଛୁଆଟି ଯେଉଁ ସାପକୁ ଚୋବାଇ ଦେଇଥିଲା, ତାହା ବିଷଧର ନଥିଲା ବୋଲି ଡାକ୍ତର କହିଥିଲେ।