ସ୍କଟଲ୍ୟାଣ୍ଡର ଗ୍ଲାସଗୋରେ ଚାଲିଥିବା କମନୱେଲଥ୍ ଗେମ୍ସ ୨୦୨୬ରେ ଭାରତୀୟ ଖେଳାଳିମାନଙ୍କ ବିଜୟ ଅଭିଯାନ ଜାରି ରହିଛି । ପ୍ରଥମ ଛଅ ଦିନରେ ଦମଦାର ପ୍ରଦର୍ଶନ କରି ଭାରତ ୧୨ଟି ପଦକ ହାସଲ କରିଛନ୍ତି ଖେଳାଳିମାନେ । ଗେମ୍ସର ଷଷ୍ଠ ଦିନରେ ଭାରତ ଆଉ ଦୁଇଟି ରୌପ୍ୟ ପଦକ ଜିତିଛି । ଏହି ଦୁଇଟି ପଦକ ସହ ଭାରତ ଖାତାରେ ପଦକ ସଂଖ୍ୟା ୧୨ରେ ପହଞ୍ଚିଛି । ଯେଉଁଥିରେ ୨ଟି ସ୍ୱର୍ଣ୍ଣ, ୭ଟି ରୌପ୍ୟ ଓ ୩ଟି କାଂସ୍ୟ ପଦକ ସାମିଲ ରହିଛି ।
୨୭ ବର୍ଷୀୟ ଭାରତୀୟ ଧାବକ ଗୁଲବୀର ସିଂ ପୁରୁଷ ୧୦୦୦୦ ମିଟର ଦୌଡ଼ ପ୍ରତିଯୋଗିତାରେ ଦେଶ ପାଇଁ ରୌପ୍ୟ ପଦକ ଜିତି ଇତିହାସ ରଚିଛନ୍ତି । ସେ କମନୱେଲଥ୍ ଗେମ୍ସ ଇତିହାସରେ ପୁରୁଷ ୧୦୦୦୦ ମିଟର ବର୍ଗରେ ପଦକ ଜିତିବାରେ ପ୍ରଥମ ଭାରତୀୟ ଆଥଲେଟ୍ ବନିଯାଇଛନ୍ତି ।
ସେହିପରି ମହିଳା ଭାରୋତ୍ତୋଳନରେ ହରଜିନ୍ଦର କୌର ନିଜ କ୍ୟାରିୟରର ସର୍ବଶ୍ରେଷ୍ଠ ପ୍ରଦର୍ଶନ କରି ରୌପ୍ୟ ପଦକ ନିଜ ନାମରେ କରିଛନ୍ତି । ହରଜିନ୍ଦର ସ୍ନାଚ୍ ଏବଂ କ୍ଲିନ୍ ଆଣ୍ଡ ଜର୍କ ଉଭୟ ରାଉଣ୍ଡରେ ଅତ୍ୟନ୍ତ ସଂଯମତା ଓ ଆତ୍ମବିଶ୍ୱାସର ସହ ପ୍ରଦର୍ଶନ କରିଥିଲେ ଏବଂ କୌଣସି ଚାପ ନଥାଇ ମୋଟ ୨୨୭ କିଲୋଗ୍ରାମ ଓଜନ ଉଠାଇ ପୋଡିୟମରେ ଦ୍ୱିତୀୟ ସ୍ଥାନ ହାସଲ କରିଛନ୍ତି ।
