ମୁମ୍ବାଇ: ଗତ କିଛି ଦିନ ମଧ୍ୟରେ ମହାରାଷ୍ଟ୍ରରେ ଚାଲିଥିବା ରାଜନୈତିକ ଅସ୍ଥିରତା ସିନ୍ଦେ ସରକାର ଗଠନ ପରେ ବନ୍ଦ ହୋଇଯାଇଥିଲା। କିନ୍ତୁ ପୁଣି ଥରେ ରାଜନୈତିକ ଉତ୍ତେଜନା ବୃଦ୍ଧି ପାଇଛି। ରାଜ୍ୟରେ ନୂତନ କ୍ୟାବିନେଟ ବିସ୍ତାରକୁ ନେଇ ରାଜନୀତି ହଟ୍ଟଗୋଳ କରୁଛି। ଏଭଳି ପରିସ୍ଥିତିରେ ଶିବସେନା ସାଂସଦ ଦାବି କରିଛନ୍ତି ଯେ ଏକନାଥ ସିନ୍ଦେ ସରକାରଙ୍କ ଆଗାମୀ କ୍ୟାବିନେଟ ସମ୍ପ୍ରସାରଣ ପରେ ମନ୍ତ୍ରୀ ପଦରୁ ବଞ୍ଚିତ ବିଦ୍ରୋହୀ ବିଧାୟକମାନେ ଠାକରେଙ୍କ ପାଖକୁ ଫେରିବେ। ଉଦ୍ଧବ ଠାକରେଙ୍କ ଶିବସେନା ସାଂସଦ ବିନାୟକ ରାଉତ ବୟାନ ଦେଇଛନ୍ତି । ସେ କହିଛନ୍ତି ଯେ ଖୁବ୍ ଶୀଘ୍ର ସିନ୍ଦେଙ୍କ ଦଳ ଏବଂ ବିଜେପି ମଧ୍ୟରେ ବିବାଦ ହେବାକୁ ଯାଉଛି । ସେ ନୂତନ ସରକାରରେ ସମସ୍ତ ସିନ୍ଦେ ଦଳ ଏବଂ ବିଜେପିର ବିଧାୟକଙ୍କୁ ମନ୍ତ୍ରୀ କରିବେ ବୋଲି ପ୍ରତିଶୃତି ଦେଇଥିଲେ ଏଥି ପାଇଁ ନୂଆ ସମସ୍ୟା ହେବାକୁ ଯାଉଛ ।
ରାଉତ ଆହୁରି କହିଛନ୍ତି ଯେ ଯଦି ବିଦ୍ରୋହୀ ବିଧାୟକମାନେ କୌଣସି ମନ୍ତ୍ରୀପଦ ନ ପାଆନ୍ତି , ତେବେ ସେମାନେ ଉଦ୍ଧବ ଠାକେରଙ୍କ ପାଖକୁ ଆସିବେ। ଶିବସେନାରେ ସିନ୍ଦେ କ୍ୟାମ୍ପରେ ୪୦ ଜଣ ବିଧାୟକ ଏବଂ ଅନ୍ୟ ଛୋଟ ଦଳ ତଥା ସ୍ୱାଧୀନ ବ୍ୟକ୍ତିଙ୍କ ଠାରୁ ପ୍ରାୟ ୧୦ ଜଣ ବିଧାୟକ ଅଛନ୍ତି। ଏହି ବିଧାୟକମାନଙ୍କ ମଧ୍ୟରୁ ଅନେକ ଆଶା କରୁଛନ୍ତି ଯେ ସେମାନେ ନୂଆ ସରକାର କ୍ୟାବିନେଟରେ ସ୍ଥାନ ପାଇପାରିବେ। ବିଜେପି ଏବଂ ସିନ୍ଦେ ଦଳ ସହିତ ଶିବସେନା ମଧ୍ୟ ଏହି ନୂତନ କ୍ୟାବିନେଟକୁ ନେଇ ଅନେକ ଆଶା ରଖିଛନ୍ତି। ଗଣମାଧ୍ୟମର ଏକ ରିପୋର୍ଟ ଅନୁଯାୟୀ, ମହାରାଷ୍ଟ୍ରରେ ପ୍ରଥମ କ୍ୟାବିନେଟ୍ ସମ୍ପ୍ରସାରଣ ଅଳ୍ପ ପରିମାଣରେ ହୋଇପାରେ । ଏଥିରେ କେବଳ ୯ ରୁ ୧୧ ଜଣ ମନ୍ତ୍ରୀ ସାମିଲ ହେବେ। ଶିବସେନା ସାଂସଦ ଦେଇଥିବା ଦାବିକୁ ଜବାବରେ ମୁଖ୍ୟମନ୍ତ୍ରୀ ଏକନାଥ ସିନ୍ଦେ କହିଛନ୍ତି ଯେ ତାଙ୍କ ସରକାର ସ୍ଥିର ଅଛି ଏବଂ ସେ ୨.୫ ବର୍ଷ କାର୍ଯ୍ୟକାଳ ପୂରଣ କରିବେ।