ନୂଆଦିଲ୍ଲୀ: ଚିନ୍ନାସ୍ୱାମୀ ଷ୍ଟାଡିୟମରେ ଅନୁଷ୍ଠିତ ଦ୍ୱିତୀୟ ପିଙ୍କ ବଲ ଟେଷ୍ଟ ମ୍ୟାଚରେ ଶ୍ରୀଲଙ୍କାକୁ ୨୩୮ ରନରେ ପରାସ୍ତ କରି ଭାରତ ୨-୦ରେ ସିରିଜ କ୍ଳିନ ସୁଇପ ବିଜୟ ହାସଲ କରିଛି । ଯାହାପରେ ସବୁଆଡେ ଇଣ୍ଡିଆନ କ୍ରିକେଟ ଟିମ୍ର କ୍ୟାପଟେନ୍ ରୋହିତ ଶର୍ମାଙ୍କ ଚର୍ଚ୍ଚା ଆରମ୍ଭ ହୋଇଯାଇଛି । ଚାରିଆଡୁ ମିଳୁଛି କ୍ୟାପଟେନ୍ ଶର୍ମାଙ୍କୁ ଶୁଭେଚ୍ଛା । ଦକ୍ଷିଣ ଆଫ୍ରିକାରେ ଟିମ ଇଣ୍ଡିଆ ପରାଜୟ ପରେ, ପୂର୍ବ କ୍ୟାପଟେନ୍ ବିରାଟ କୋହଲିଙ୍କୁ ନିଜ କ୍ୟାପଟେନ୍ସି ଛାଡିବାକୁ ପଡିଥିଲା । ପର ମୂହୁର୍ତ୍ତରେ ଶ୍ରୀଲଙ୍କା ବିପକ୍ଷରେ ଥିବା ସିରିଜ୍ ପୂର୍ବରୁ ରୋହିତ ଶର୍ମାଙ୍କୁ ଟେଷ୍ଟ ଅଧିନାୟକ ଭାବେ ଦିଆଯାଇଥିଲା ଗୁରୁ ଦାୟିତ୍ୱ । ବର୍ତ୍ତମାନ ଭାରତର ଏହି ବଡ଼ ବିଜୟ ପରେ କ୍ୟାପଟେନ୍ ଶର୍ମାଙ୍କ ଖୁସି କହିଲେ ନ ସରେ ।
ଟେଷ୍ଟମ୍ୟାଚରେ ଟିମ୍ ଇଣ୍ଡିଆ ଅଗ୍ରଣୀ ହେବା ପରେ ଦଳ ପାଇଁ କ୍ୟାପିଟେନ୍ସି କରିବା ତାଙ୍କ ପାଇଁ ବଡକଥା ବୋଲି କହିଛନ୍ତି କ୍ୟାପଟେନ୍ ରୋହିତ ଶର୍ମା । ଭାରତର ଅଗ୍ରଣୀ ହେବା ପରେ ସେ ତାଙ୍କ ପ୍ରତିକ୍ରିୟାରେ କହିଛନ୍ତି,ଟିମର ଅନେକ ସିନିୟର୍ ଖେଳାଳି ତାଙ୍କୁ ବହୁତ ସମର୍ଥନ କରିବା ସହିତ ତାଙ୍କ ଖେଳର ବହୁତ ପ୍ରଶଂସା ମଧ୍ୟ କରନ୍ତି । ଅଧିନାୟକ ଭାବରେ ମୋର ଫିଲୋସଫି ହେଉଛି ଖେଳ ସ୍ଥିତିକୁ ଧ୍ୟାନରେ ରଖି ସେହି ସମୟରେ ନିଜେ ଯାହା ଠିକ ଅନୁଭବ କରୁଛନ୍ତି ତାହାକୁ ଗ୍ରହଣ କରିବା । ମୁଁ ଏସବୁକୁ ଗ୍ରାଉଣ୍ଡରେ ଆନାଲିସିସ କରିବାକୁ ଚେଷ୍ଟା କରେ ଏବଂ ମୁଁ ଆମ ବୋଲରଙ୍କୁ ବୋଲିଂ କରିବାର ଦେଖିଛି । ତେଣୁ ସେମାନଙ୍କର ଶକ୍ତି ବା ଦକ୍ଷତା, ଦୁର୍ବଳତାକୁ ଭଲଭାବେ ଜାଣିଛି । ଏଥିସହିତ ସାମ୍ନାରେ ଥିବା ଦଳକୁ ମଧ୍ୟ ଅନୁଧ୍ୟାନ କରିବାକୁ ଚେଷ୍ଟା ମଧ୍ୟ କରିଥାଏ ।
ସେ ଆହୁରି ମଧ୍ୟ କହିଛନ୍ତି, ସବୁକିଛି ହୁଏତ ସେହି ଭଳି ନଯାଇପାରେ କିନ୍ତୁ ଏହା ଅଧିକ ପ୍ରତିଶତ ରହିଥିବା କାରଣରୁ ସେହି ପଥରେ ଆଗକୁ ବଢିବା ଠିକ ଭାବେ । ୱାର୍ଲ୍ଡ ଟେଷ୍ଟ ଚାମ୍ପିୟନସିପର ଫାଇନାଲ ହେଉଛି ଲଙ୍ଗ ଟର୍ମକୁ ଟାର୍ଗେଟ । କିନ୍ତୁ ପକୃତରେ କହିବାକୁ ଗଲେ ଏହା ଏମିତିରେ ହୋଇଯିବନି । ଆମକୁ ଦେଖିବାକୁ ପଡିବ ଆମେ ବର୍ତ୍ତମାନ କେଉଁପରି ପରଫର୍ମ କରୁଛନ୍ତି । ଦକ୍ଷିଣ ଆଫ୍ରିକାରେ ମ୍ୟାଚର ପରାଜୟ ପରେ ଦଳ ପ୍ରଭାବ ବିସ୍ତାର କରିବା ସେତେଟା ସହଜ ନୁହେଁ କନ୍ତୁ କିଛିଟା ପଦକ୍ଷେପ ନେଲେ ହିଁ ଆମେ ସେହି ଶୀର୍ଷ ସ୍ଥାନରେ ପହଞ୍ଚିପାରିବା । ଏଥିସହିତ ଦଳରେ ଅନେକ କିଛି ପରିବର୍ତ୍ତନ ଭିତରେ ମଧ୍ୟ ଆମେ ସଠିକ ଯିବାର ମନେ ହେଉଥିବା ବୋଲି କହିଛନ୍ତି ରୋହିତ ଶର୍ମା ।