ଓଡେଶା: ଋଷ-ୟୁକ୍ରେନ ମଧ୍ୟର ଯୁଦ୍ଧକୁ ପୁରିଲା ୧୯ ଦିନ । ଏହି ୧୯ ଦିନ ଭିତରେ ଧ୍ୱଂସ ହେଇ ଚାଲିଛି ୟୁକ୍ରେନର ଗୋଟିଏ ପରେ ଗୋଟିଏ ସହର । ଆଉ ଏହି ଯୁଦ୍ଧ ଭିତରେ ଆଜି ପୁଣି ଋଷ ଓ ୟୁକ୍ରେନ ମଧ୍ୟରେ ଗୁରୁତ୍ବପୂର୍ଣ୍ଣ ଆଲୋଚନା ହେବାକୁ ଯାଉଛି । ଏ ନେଇ ସୂଚନା ଦେଇଛନ୍ତି ୟୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କିଙ୍କ ପରାମର୍ଶଦାତା ମିଖାଇଲୋ ପୋଦୋଲିଆକ ।
ଯୁଦ୍ଧ ଜାରି ରହିଥବା ବେଳେ ଆଲୋଚନାରୁ ଶାନ୍ତିର ବାଟ ବାହାରିବା ନେଇ ଆଶା ଦେଖାଦେଇଛି । ସେହିପରି ପୂର୍ବରୁ ଆଲୋଚନାରେ ଋଷ୍ ପକ୍ଷରୁ ସାମିଲ ହୋଇଥିବା ଜଣେ ଅଧିକାରୀ କହିଛନ୍ତି ଯେ, ଆଗାମୀ କିଛି ଦିନରେ ଦୁଇ ପକ୍ଷ ମଧ୍ୟରେ ଆଲୋଚନାର ସଫଳତା ମିଳିବାର ସମ୍ଭାବନା ରହିଛି । ଏପରିକି ଦୁଇ ପକ୍ଷ ମଧ୍ୟ ବିଧିବଧି ଭାବେ ଚୁକ୍ତି କରିପାରନ୍ତି ।
ଋଷ୍ ଓ ୟୁକ୍ରେନ ମଧ୍ୟରେ ମୋଟ୍ ୩ଟି ବୈଠକ ବସି ସାରିଛି ।ସେପଟେ ୟୁକ୍ରେନ ଆକାଶକୁ ନୋ ଫ୍ଲାଇଙ୍ଗ ଜୋନ ଘୋଷଣା କରିବାକୁ ପୁଣି ଥରେ ନାଟୋ ନିକଟରେ ଦାବି କରିଛନ୍ତି ଜେଲେନ୍ସ୍କି । ତାଙ୍କ କହିବା ଅନୁସାରେ, ୟୁକ୍ରେନ ଆକାଶକୁ ନୋ ଫ୍ଲାଇଙ୍ଗ ଜୋନ ନ କଲେ ନାଟୋ ସୀମାରେ ଋଷର ରକେଟ ମାଡ ହେବାର ଆଶଙ୍କା ରହିଛି ।
ସେପଟେ ରାଜଧାନୀ କିବର ସୁରକ୍ଷା ଲାଗି ଜାତୀୟ ସୈନ୍ୟବାହିନୀ ଓ ସ୍ବେଚ୍ଛାସେବୀ ପ୍ରାଣମୂର୍ଚ୍ଛା ସଂଗ୍ରାମ ଜାରି ରଖିଥିିବା କହିଛନ୍ତି, ୟୁକ୍ରେନ ରାଷ୍ଟ୍ରପତିଙ୍କ ପରାମର୍ଶଦାତା ମିଖାଇଲୋ ପୋଦୋଲିଆକ । ଏବେ ବି ମାରିଉପୋଲରେ ଋଷ ଆକ୍ରମଣ ଜୋରଦାର ରଖିଛି ।