ଭୁବନେଶ୍ୱର: ବଲିଉଡରେ ପୁଣିଥରେ ରିଲିଜ ହେବାକୁ ଯାଉଛି ଆଉ ଏକ କ୍ରିକେଟରଙ୍କ ବାୟୋପିକ୍ ଫିଲ୍ମ କୌନ୍ ପ୍ରବୀଣ ତାମ୍ଭେ । ଏହି ଫିଲ୍ମର ମୁଖ୍ୟ ଭୂମିକାରେ ଦେଖାଦେବାକୁ ଯାଉଛନ୍ତି ବଲିଉଡର ଜଣାଶୁଣା ଆକ୍ଟର ଶ୍ରୟସ ତଲପଡେ । ଯେଉଁଥିରେ ସେ ଜଣେ କ୍ରିକେଟରଙ୍କ ଚରିତ୍ରକୁ ନେଇ ନଜର ଆସିଛନ୍ତି । ୪୧ ବର୍ଷ ବୟସରେ ମୁମ୍ବାଇର କ୍ରିକେଟ ମୈଦାନରୁ ଆଇପିଏଲର ବଡ ମଞ୍ଚରେ ପର୍ଦାପଣ କରିଥିଲେ କ୍ରକେଟର ପ୍ରବିଣ ତାମ୍ଭେ ।
ଯେଉଁ ବୟସରେ କ୍ରୀଡାବିତ୍ ମାନେ ଅବସର ଗ୍ରହଣ କରିଥାନ୍ତି , ସେହି ବୟସରେ ମୈଦାନରେ ପାଦ ଦେଇ ସମସ୍ତଙ୍କୁ ଆଶ୍ଚର୍ଯ୍ୟ ଏବଂ ଚମକାଇ ଦେଇଥିଲେ ଏହି କ୍ରକେଟର । କ୍ରିକେଟର ପ୍ରବିଣ ତାମ୍ଭେଙ୍କ ଜୀବନି ଉପରେ ଆଧାରିତ ଜୟପ୍ରଦ ଦେଶାଇଙ୍କ ନିର୍ଦ୍ଦେଶିତ ଏହି ଚଳଚିତ୍ର କୌନ୍ ପ୍ରବିଣ ତାମ୍ଭେର ଟ୍ରେଲର ରିଲିଜ ହେବା ପରେ ଏହି ଟ୍ରେଲରଟି ବେସ ରୋମାଞ୍ଚକର ରହିଥିବା ସହିତ କିଛି ଦୃଶ୍ୟ ଆଶ୍ଚର୍ଯ୍ୟଜନକ ହୋଇଥିବାର ଜଣାପଡିଛି । ୪୧ ବର୍ଷ ବୟସରେ ରାଜସ୍ଥାନ ରୟାଲ୍ସ ପକ୍ଷରୁ ପାଦ ଦେଇଥିବା ତାମ୍ଭେଙ୍କ ଜୀବନ କୌଣସି ସିନେମା ଠାରୁ କମ ନୁହେଁ । ୨୦୧୩ ମସିହାରେ ଆୟୋଜିତ ହୋଇଥିବା ଆଇପିଏଲ ମ୍ୟାଚରେ, ରାଜସ୍ଥାନ ରୟାଲ୍ସ ପକ୍ଷରୁ ପାଦ ଦେଇଥିବା ଏହି ଖେଳାଳି ପ୍ରବିଣ ତାମ୍ଭେଙ୍କ ରେର୍କଡ ରହିଛି ସବୁଠୁ ଉପରେ ।
ଇଣ୍ଡିଆନ ଟିମ ପକ୍ଷରୁ ଖେଳାଯାଉଥିବା ଆଇପିଏଲ ମ୍ୟାଚର ସମସ୍ତ ଖେଳାଲିଙ୍କ ମଧ୍ୟରୁ ଅଧିକ ବର୍ଷିୟ ଖେଳାଳି ଭାବେ ଆଜି ବି ସେ ସବୁଠୁ ଆଗରେ । କିନ୍ତୁ କିଛି କାରଣ ଯୋଗୁଁ ଏହି ଖେଳାଳିଙ୍କୁ ବି ସି ସି ଆଇ ଦ୍ୱାରା ବ୍ୟାନ କରିଦେଇଥିଲେ । ତେବେ ଏହି ବାୟୋପିକ ଫିଲ୍ମରେ କ୍ରିକେଟ୍କୁ ନିଜ କ୍ୟାରିୟର କରିବାର ଦେଖୁଥିବା ଜଣେ ଯୁବକଙ୍କ ଆଶା ଆଶାରେ ରହିଯାଇଛି । ତଥାପି ନିଜ ପ୍ରୟାସରୁ କେବେ ବି ବିରତ ହୋଇନଥିବାର ଏକ ବାସ୍ତବ କାହାଣୀକୁ ନେଇ ଦେଖିବାକୁ ମିଳିଛି ଏହି ଟ୍ରେଲରେ । ପ୍ରଥମରୁ ରଣଜୀ ଟ୍ରଫି ନ ଖେଳି ଥିବା ଜଣେ କ୍ରିକେଟରଙ୍କ କ୍ୟାରିଅର କିଭଳି ପରିବର୍ତ୍ତନ ହୋଇଛି ତାହା ମଧ୍ୟ ଦର୍ଶା ଯାଇଛି । ଏହି ଫିଲ୍ମଟି କୁ ଆସନ୍ତା ମାସ ଏପ୍ରିଲ ୧ ରେ ଓଟିଟି ପ୍ଲାଟଫର୍ମ ହଟଷ୍ଟାର ଦ୍ୱାରା ରିଲିଜ ହେବାକୁ ଯାଉଥିବା ବେଳେ ଏକ ଭାଷଣରେ ଖେଳାଳି ରାହୁଲ ଡ୍ରାଭିଡ , ସଚିନ ତେନ୍ଦୁଲକର ବା ଅନ୍ୟ ଖେଳାଳିଙ୍କ ବିଷୟରେ ନ କହି ତାମ୍ଭେଙ୍କ ବିଷୟରେ କହିବା ପରେ ହିଁ ଏହାର ଟ୍ରେଲର ଆରମ୍ଭ ହୋଇଥିଲା ।