ୱାସିଂଟନ : ଋଷ ୩୦ ବର୍ଷ ମଧ୍ୟରେ କୌଣଷି ରାଷ୍ଟ୍ର ଉପରେ ଏପରି ଭୟଙ୍କର ଆକ୍ରମଣ କେବେ କରି ନ ଥିଲା । ୧୯୯୧ରୁ ସୋଭିଏତ ସଂଗଠନରୁ ୟୁକ୍ରେନ ଅଲଗା ହେବା ପରଠାରୁ ଋଷ ସହ ବିବାଦ ଲାଗି ରହିଛି । ଏହା ସହ ୟୁକ୍ରେନ ଯେବେଠୁ ନାଟୋରେ ସାମିଲ ହେବା କଥା ଉଠାଇଲା ସେବେଠୁ ଏହି ବିବାଦ ଉଗ୍ର ରୂପ ନେଇଛି । ଯାହାର ଫଳ ସ୍ୱରୂପ ଆଜି ୟୁକ୍ରେନ ଏତେ ବଡ ଦ୍ୱନ୍ଦରେ ଫସିରହିଛି ।
ଯୁଦ୍ଧ ଭିତରେ ବହୁ କ୍ଷତି ସହିଲାଣି ୟୁକ୍ରେନ । କିନ୍ତୁ କେବଳ ଯେ ୟୁକ୍ରେନ ଏହି କ୍ଷତି ସହିଛି ତାହା ନୁହେଁ, ଋଷ ମଧ୍ୟ ଏହି ଯୁଦ୍ଧ ଆରମ୍ବ କରି ଅନେକ ପ୍ରତିବନ୍ଧକର ସମ୍ନା କଲରୁଛି । ଅନେକ ରାଷ୍ଟ୍ର ଏହି ଯୁଦ୍ଧ କାରଣରୁ ଋଷ ଉପରେ ଆର୍ଥିକ କାରବାର ଉପରେ ପ୍ରତିବନ୍ଧକ ଲଗାଇଛନ୍ତ ଯାହା ଫଳରେ ଋଷର ଅର୍ଥନିତି ଧିରେ ଧିରେ ଦୁର୍ବଳ ହେବାରେ ଲାଗିଛି । ଏହା ସହ ବଜାରରେ ବିଭିନ୍ନ ସାମଗ୍ରୀର ମୂଲ୍ୟ ଆକାଶଛୁଆଁ ହୋଇଛି । ଯାହାଫଳରେ ପ୍ରାୟ ୧୩ ଦିନରେ ୩୦ ବର୍ଷର କ୍ଷତି ସହୁଛି ଋଷ ।