ଆସାମ(ରିପୋର୍ଟର୍ସ ଟୁଡେ) : ନାଗରିକ ସଂଶୋଧନ ଆଇନ ବିରୋଧରେ ଆନ୍ଦୋଳନ କରି ଜେଲ ଯାଇଥିବା ଅଖିଲ ଗୋଗୋଇଙ୍କୁ ଆଜି କୋର୍ଟ ତାଙ୍କୁ ଦୋଷମୁକ୍ତ କରିଛନ୍ତି । ବେଆଇନ କାର୍ୟ୍ୟକଳାପ ପ୍ରତିରୋଧ ଆଇନ ମାମଲା ଅଖିଲ ଗୋଗୋଇଙ୍କ ବିରୋଧରେ ରୁଜୁ ହୋଇଥିଲା । ଏହା ମଧ୍ୟରେ ଗୋଗୋଇ ଆଶାମର ବାଧାୟକ ଭାବେ ଶିବସାଗର ବିଧାନସଭାରୁ ନିର୍ବାଚିତ ହୋଇଛନ୍ତି । ଅଖିଲ ଗୋଗୋଇ ଓ ତାଙ୍କ ସହଯୋଗୀଙ୍କ ନାଁରେ ୟୁଏପିଏ ବଳରେ ଦୁଇଟି ମାମଲା ହୋଇଥିଲା। ହିଂସାକାଣ୍ଡ ପାଇଁ ଷଡ଼ଯନ୍ତ୍ର, ମାଓବାଦୀ ଲିଙ୍କ ଓ ଲୋକଙ୍କୁ ଉସକାଇବା ଭଳି ଅଭିଯୋଗ ସେମାନଙ୍କ ନାଁରେ ଲାଗିଥିଲା। ଏନଆଇଏ କୋର୍ଟ ପ୍ରଥମେ ଜୁନ୍ ୨୨ରେ ସମସ୍ତଙ୍କ ବିରୋଧରେ ରୁଜୁ ପ୍ରଥମ ମାମଲା ରଦ୍ଦ କରିଥିଲେ। ଏବେ ପ୍ରମାଣ ଅଭାବରୁ ଦ୍ୱିତୀୟ ମାମଲା ମଧ୍ୟ ରଦ୍ଦ କରାଯାଇଛି। ଜେଲରେ ରହିଥିବା ସମୟରେ ଏନଆଇଏ ଅଧିକାରି ତାଙ୍କୁ ବିଜେପି ଓ ଆରଏସଏସରେ ଯୋଗ ଦେଲେ ଜାମିନ୍ ମିଳିବାର ଲୋଭ ଦେଖାଇଥିଲେ ବୋଲି ସେ ଅଭିଯୋଗ ମଧ୍ୟ କରିଛନ୍ତି ।
