ଭୁବନେଶ୍ୱର: ଗତ ସାଢ଼େ ଦୁଇ ବର୍ଷ ମଧ୍ୟରେ ରାଜ୍ୟ ରାଜଧାନୀରେ ସର୍ବାଧିକ ଟ୍ରାଫିକ୍ ନିୟମ ଉଲ୍ଲଂଘନ ଘଟଣା ରେକର୍ଡ କରାଯାଇଛି। ଏହି ସମୟ ମଧ୍ୟରେ ଏଠାରେ ୧୩,୮୪୪ଟି ଚାଲାଣ କଟାଯାଇଥିବା ବେଳେ ୧୪୪ଟି ଗାଡ଼ି ଜବତ କରାଯାଇଛି ବୋଲି ପରିବହନ ମନ୍ତ୍ରୀ ବିଭୂତି ଭୂଷଣ ଜେନା ଗୁରୁବାର ଦିନ ଓଡ଼ିଶା ବିଧାନସଭାରେ ସୂଚନା ଦେଇଛନ୍ତି।
ବିଜେଡି ବିଧାୟକ ପ୍ରତାପ କେଶରୀ ଦେବଙ୍କ ଏକ ପ୍ରଶ୍ନର ଉତ୍ତରରେ ମନ୍ତ୍ରୀ ଜେନା ଏହି ତଥ୍ୟ ପ୍ରଦାନ କରିଥିଲେ। ଏହି ଅବଧି ମଧ୍ୟରେ ଟ୍ରାଫିକ୍ ନିୟମ ଉଲ୍ଲଂଘନ ପାଇଁ ୧୦,୮୪୪ଟି ଚାଲାଣ କଟାଯିବା ଏବଂ ୨୯୧ଟି ଗାଡ଼ି ଜବତ କରାଯିବା ସହ କଟକ ଜିଲ୍ଲା ଦ୍ୱିତୀୟ ସ୍ଥାନରେ ରହିଛି।
ସମଗ୍ର ଓଡ଼ିଶାରେ କର୍ତ୍ତୃପକ୍ଷ ଟ୍ରାଫିକ୍ ନିୟମ ଉଲ୍ଲଂଘନ କରିଥିବା ୪,୧୫,୧୫୯ ଜଣଙ୍କ ବିରୋଧରେ ଚାଲାଣ କାଟିବା ସହ ୧,୮୧୨ଟି ଗାଡ଼ି ଜବତ କରିଛନ୍ତି ଏବଂ ମୋଟ ୧୫.୧୬ କୋଟି ଟଙ୍କା ଜରିମାନା ଆଦାୟ କରିଛନ୍ତି ବୋଲି ମନ୍ତ୍ରୀ କହିଛନ୍ତି।