ଓଡ଼ିଆ ପୁଅଙ୍କୁ ମିଳିଲା ଦୁବାଇରେ ଗୋଲଡେନ୍ ଭିସା
ଓଡ଼ିଆ ପୁଅ ହେଲେ ଦୁବାଇ ବାସିନ୍ଦା
ଅକ୍ଷୟ ପରିଜାଙ୍କ ପରେ ଦେବାଶିଷ
କେନ୍ଦ୍ରାପଡ଼ା ପାଇଁ ଗର୍ବ ଆଉ ଗୌରବ
ଭୁବନେଶ୍ୱର (ତାପସ ଦାସ): ବିଶ୍ୱର ମୁସଲିମ୍ ବହୁ ଦେଶ ଦୁବାଇ । ଏଠାରେ ରହିବା କଷ୍ଟକର ବ୍ୟାପାର । କୂଟନୈତିକ କ୍ଷେତ୍ରରେ ଦୁବାଇ ସହିତ ଭାରତର ସମ୍ପର୍କ ମଜବୁତ ହେବା ପରେ ଏବେ ଦୁବାଇର ମନ ପରିବର୍ତନ ହୋଇଛି । ବିଶେଷ କରି ମୋଦି ସରକାର ଆସିବା ପରେ । ଭାରତୀୟଙ୍କୁ ଦୁବାଇ ସ୍ନେହ ଓ ପ୍ରେମ ଓଜାଡ଼ି ଦେଉଛି । ଦୁବାଇରେ ହିନ୍ଦୁ ମନ୍ଦିର ପ୍ରତିଷ୍ଠା ପାଇଁ ଦୁବାଇ ରାଜା ନିର୍ଦେଶ ଦେଇଛନ୍ତି । ନିଜେ ସେହି ମନ୍ଦିର ଯାଇ ତାର ନିର୍ମାଣ କାମ ତଦାରଖ କରୁଛନ୍ତି ।
ଏବେ ଆମେରିକା ଓ ଇଂଲଣ୍ଡ ଭଳି ଦୁବାଇରେ ମଧ୍ୟ ଭାରତୀୟମାନେ ବାସିନ୍ଦା ହୋଇ ପାରିବେ । ଏହି କ୍ରମରେ ଆଉ ଜଣେ ଓଡ଼ିଆ ପୁଅ ହେଲେ ଦୁବାଇ ବାସିନ୍ଦା । ଯାହା କେନ୍ଦ୍ରାପଡ଼ା ପାଇଁ ଗର୍ବ ଓ ଗୌରବ । କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଲକ ସ୍ଥିତ ଗୋପୀନାଥପୁର ଶାସନ ଗ୍ରାମର ଦେବାଶିଷ ଦାଶ ହେବେ ଦୁବାଇ ବାସିନ୍ଦା ।
ଦେବାଶିଷ ହେଉଛନ୍ତି ଦୁବାଇରେ ଥିବା ଏକ ଅର୍ନ୍ତଜାତୀୟ କମ୍ପାନିରେ ୧୫ ବର୍ଷ ହେବ ଇଂଜିନିୟର ଅଛନ୍ତି । ସେ ଏବେ ସେହି କମ୍ପାନିର ମ୍ୟାନେଜର ମଧ୍ୟ । ତାଙ୍କ ଇଂଜିନିୟରିଂରେ ଦୁବାଇରେ ଅନେକ ସରକାରୀ କାମ ହୋଇଛି ।
ତାଙ୍କର ଏହି କାମକୁ ଦୁବାଇ ସରକାର ପସନ୍ଦ କରିବା ସହ ପ୍ରଶଂସା ମଧ୍ୟ କରିଛନ୍ତି । ଖାସ୍ ଏଥିପାଇଁ ତାଙ୍କୁ ଦିଆଯାଇଛିି ଗୋଲଡେନ୍ ଭିସା । ଏବେ ସେ ଦୁବାଇର ବାସିନ୍ଦା ହୋଇଛନ୍ତି । ଦୁବାଇର ଅନ୍ୟ ନାଗରିକଙ୍କ ଭଳି ସେ ମଧ୍ୟ ସେଠାରେ ସମସ୍ତ ସୁବିଧା ସୁଯୋଗ ପାଇବେ ।
ଫିଲ୍ମ ନିର୍ଦେଶକଙ୍କ ପରେ ସେ ହେଉଛନ୍ତି ଆଉ ଜଣେ ଓଡ଼ିଆ । ଦେବାଶିଷ ଓଡ଼ିଆ ପୁଅ ହିସାବରେ ଏହା ଏକ ଗର୍ବ । ବିଶେଷକରି ଜଣେ କେନ୍ଦ୍ରାପଡ଼ିଆ ହୋଇଥିବାରୁ ସେ କେନ୍ଦ୍ରାପଡ଼ା ପାଇଁ ଉଦାହରଣ ପାଲଟିବେ ।
ଦେବାଶିଷ କେବଳ ଜଣେ ଇଂଜିନିୟର ନୁହଁନ୍ତି ସେ ଓଡ଼ିଶାବାସୀଙ୍କ ସେବା କରିବା ତାଙ୍କର ସବୁ ବେଳେ ଇଛା ଥାଏ । ଏଥିପାଇଁ ସେ ସୋମ୍ୟାଶିଷ ନାମକ ସ୍ୱେଚ୍ଛାସେବୀ ସଂଗଠନ ମଧ୍ୟ ଗଠନ କରିଛନ୍ତି ।