ବିଶ୍ୱକପରେ ଲିଓନେଲ୍ ମେସିଙ୍କ ଐତିହାସିକ ସଫଳତା ଖେଳ By Lipipuspa Last updated Jun 28, 2026 Share ଫିଫା ବିଶ୍ୱକପ୍ 2026 ର ଶେଷ ଗ୍ରୁପ୍ ପର୍ଯ୍ୟାୟ ମ୍ୟାଚ୍ରେ ଆର୍ଜେଣ୍ଟିନାର କିମ୍ବଦନ୍ତୀ ଅଧିନାୟକ ଲିଓନେଲ୍ ମେସି ଆଉ ଏକ ଯାଦୁକରୀ କୃତିତ୍ୱ ପ୍ରଦର୍ଶନ କରିଛନ୍ତି। ଜୋର୍ଡାନ ବିପକ୍ଷରେ ଗୋଲ ସ୍କୋର କରି ମେସି ଏକ ନୂତନ ବିଶ୍ୱ ରେକର୍ଡ ସ୍ଥାପନ କରିଛନ୍ତି। ଆର୍ଜେଣ୍ଟିନା ମ୍ୟାଚ୍କୁ 3-1 ଗୋଲରେ ଜିତିଛି। ଆର୍ଜେଣ୍ଟିନା ପୂର୍ବରୁ ଗ୍ରୁପ୍ J ର ବିଜେତା ଭାବରେ ନିର୍ଣ୍ଣୟ ହୋଇସାରିଥିଲା, ତେଣୁ ମେସିଙ୍କୁ ପ୍ରାରମ୍ଭିକ ଏକାଦଶରେ ସାମିଲ କରାଯାଇ ନଥିଲା। ସେ 60ତମ ମିନିଟରେ ଆସି ଇତିହାସ ରଚିଥିଲେ। ଲିଓନେଲ ମେସି 80 ତମ ମିନିଟରେ ଫ୍ରିକିକରୁ ଗୋଲ ଦେଇଥିଲେ, ଏବଂ ବିଶ୍ୱକପ୍ ଇତିହାସରେ କ୍ରମାଗତ ସାତଟି ମ୍ୟାଚରେ ଗୋଲ କରିବାରେ ପ୍ରଥମ ଫୁଟବଲ୍ ଖେଳାଳି ହୋଇଥିଲେ। ଲିଓନେଲ ମେସି ୨୦୨୬ ଫିଫା ବିଶ୍ୱକପର ତିନୋଟି ଗ୍ରୁପ ମ୍ୟାଚରେ ଗୋଲ ଦେଇଥିଲେ। ସେ ୨୦୨୨ ବିଶ୍ୱକପର ଗ୍ରୁପ ଡି, କ୍ୱାର୍ଟର ଫାଇନାଲ, ସେମିଫାଇନାଲ ଏବଂ ଫାଇନାଲରେ ମଧ୍ୟ ଗୋଲ ଦେଇଥିଲେ। ଲିଓନେଲ ମେସିଙ୍କ ପାଖରେ ଏବେ ୧୯ଟି ଗୋଲ ଅଛି, ଯାହା ଫିଫା ବିଶ୍ୱକପ୍ ଇତିହାସରେ ସର୍ବାଧିକ। ସେ ଚଳିତ ସଂସ୍କରଣରେ ୬ଟି ଗୋଲ ସହିତ ସ୍କୋରିଂରେ ମଧ୍ୟ ଆଗରେ ଅଛନ୍ତି। Share FacebookTwitterGoogle+ReddItWhatsAppPinterestEmail
