ପବିତ୍ର ଜନ୍ମାଷ୍ଟମୀ ପାଇଁ ଉତ୍ସବମୁଖର ହୋଇଉଠିଥିଲା ଆରଡିଧାମର ବାବା ଆଖଣ୍ଡଳମଣିଙ୍କ ପୀଠ। ଭୋର 5ଟା ରେ ଵାଵାମଣିଙ୍କର ପହଡ଼ ଖୋଲିବା ପରେ ରୀତିନୀତି ଅନୁଯାୟୀ ପୂଜାର୍ଚ୍ଚନା ଓ ମଙ୍ଗଳ ଆଳତୀ ସମ୍ପନ୍ନ ହୋଇଥିଲା। ପରେ ଜନ୍ମାଷ୍ଟମୀ ନୀତି ନିମନ୍ତେ ପୀଠର ନିଧିପାଢୀ ସାହି ସହ ଜଗନ୍ନାଥ ମନ୍ଦିର, ମହାପାତ୍ର ସାହି, ଡିହସାହିର ରସିକନାଗର ମନ୍ଦିରରେ ରୀତିନୀତି ଅନୁଯାୟୀ ପୂଜାର୍ଚ୍ଚନା ସହ ହରିବଂଶ ପୁରାଣ ପଠନ, ଘଟସ୍ଥାପନ , ଷୋଡ଼ଶ ଉପଚାର ପୂଜା ଅନୁଷ୍ଠିତ ହୋଇଥିଲା। ସଂଧ୍ୟାରେ ଉପଚାର ପୂଜା ସହ ବିଭିନ୍ନ ବ୍ୟଞ୍ଜନରେ ପ୍ରସ୍ତୁତ ଭୋଗ ସହ ହୋମ ଆଳତୀ କରାଯାଇ ପୌରାଣିକ ଅନୁଯାୟୀ ମଧ୍ୟରାତ୍ରରେ ଭଗବାନ କୃଷ୍ଣଙ୍କର ଜନ୍ମ ଉତ୍ସବ ହେବା ପରେ ଏକ ସୁସଜ୍ଜିତ ବିମାନରେ ଭଗବାନ କୃଷ୍ଣଙ୍କୁ ବିଜେ କରାଇ ଘଣ୍ଟାକିର୍ତ୍ତନ, ଛତ୍ର ଆଲଟ, ଚାମର ଦ୍ଵାରା ସେବକ ଶୁସାନ୍ତ ତ୍ରିପାଠୀ ଵସୁଦେଵ ଭାବେ ବାବାଙ୍କ ମନ୍ଦିରକୁ ନେବା ସମୟରେ ପୂର୍ବରୁ ଅପେକ୍ଷା କରିଥିବା ସେବାୟତ ଅସିତ ପାଢୀ ଉଗ୍ରେସେନ ଭାବେ ବାଟ ଓଗାଳି ଥିଲେ, ପରେ ଭଗବାନ କୃଷ୍ଣଙ୍କ ଜନ୍ମଦିନରେ ନିଆରା ଭାବେ କଂସ ମହିପାଳ ନୀତି ଅନୁଷ୍ଠିତ ହୋଇଥିଲା। ଏହି ନିଆରା କଂସ ମହିପାଳ ନୀତି ଦେଖିବା ପାଇଁ ବାବାଙ୍କ ମନ୍ଦିରରେ ଶ୍ରଦ୍ଧାଳୁଙ୍କ ଭିଡ ଲାଗିଥିଲା।
