ବିବାହ ଉତ୍ସବରେ ବୋହିଲା ରକ୍ତର ନଈ

ମର୍ମନ୍ତଦ ସଡ଼କ ଦୁଘଟଣା;ଚାଲିଗଲା ୫ ଜୀବନ ।  ବିିବାହ ଉତ୍ସବରେ ଯୋଗ ଦେବା ପାଇଁ  ଖୁସି ବାହାରିଥିଲେ ପୂରା ପରିବାର । ହେଲେ ସେହି  ଖୁସିରେ  ଲାଗିଗଲା ନଜର । ବାଟରେ ସଡ଼କ ଦୁର୍ଘଟଣାରେ ଚାଲିଗଲା  ୫ ଜୀବନ । ପଞ୍ଜାବର ଫାଜିଲ୍କାରେ ରବିବାର ଭୟଙ୍କର ସଡ଼କ ଦୁର୍ଘଟଣା ଘଟି ୫ ଜଣଙ୍କର ମୃତ୍ୟୁ ହୋଇଛି। ଏକ ପିକଅପ୍ ଟ୍ରକ୍ ଓ ଏକ ଏସ୍‌ୟୁଭି ମଧ୍ୟରେ ଜୋରଦାର ଧକ୍କା ହେବାରୁ ୩ଜଣଙ୍କର ପିଲାଙ୍କ ସମେତ ୫ଜଣଙ୍କର ମୃତ୍ୟୁ  ହୋଇଥିବା ବେଳେ ଅନ୍ୟ ୧୧ ଜଣ ଆହତ ହୋଇଛନ୍ତି।

ସମସ୍ତ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ସମସ୍ତ ମୃତାହତ ଗୋଟିଏ ଏସ୍‌ୟୁଭିରେ ଥିଲେ। ସେମାନେ ସମସ୍ତେ ତିୱାନା କଲାନ ଗାଁର ବାସିନ୍ଦା ଓ କରଣୀ ଖେରା ଗାଁରେ ସେମାନଙ୍କ ସମ୍ପର୍କୀୟଙ୍କ ଘରେ ଏକ ବିବାହ ଉତ୍ସବରେ ଯୋଗ ଦେଇ ଘରକୁ ଫେରୁଥିଲେ। ଏହି  ସମୟରେ ଟ୍ରକ୍ ଓ  ଏସ୍‌ୟୁଭି ମଧ୍ୟରେ ଧକ୍କା ହୋଇଥିଲା ।  ଦୁର୍ଘଟଣା ଏତେ ମର୍ମନ୍ତଦ ଥିଲା ଯେ ୫ ଜଣଙ୍କ ମୃତ୍ୟୁୁଘଟିଥିବା ବେଳେ   ୧୧ଜଣ ଆହତ ହୋଇଛନ୍ତି ।