Iran-US War: ମଧ୍ୟପ୍ରାଚ୍ୟରେ ଚାଲୁଥିବା ଯୁଦ୍ଧ ପରିସ୍ଥିତି ମଧ୍ୟରେ Donald Trump ଇରାନକୁ ନେଇ ଆକ୍ରମକ ବକ୍ତବ୍ୟ ଦେଇ ବିଶ୍ୱ ମଞ୍ଚରେ ଚର୍ଚ୍ଚାକୁ ଜୋରଦାର କରିଛନ୍ତି। Kharg Island ଉପରେ ଆକ୍ରମଣ ପରେ ତାଙ୍କ ସୋସିଆଲ ମିଡିଆ ପୋଷ୍ଟ ବିଶ୍ୱସ୍ତରରେ ଚିନ୍ତା ବଢାଇ ଦେଇଛି।
ଟ୍ରମ୍ପ ତାଙ୍କ ପୋଷ୍ଟରେ କହିଛନ୍ତି ଯେ, “ଇରାନରେ ଏକ ସଭ୍ୟତାର ଅନ୍ତ ହେବାକୁ ଯାଉଛି।” ସେ ଏକ ଅପରିବର୍ତ୍ତନୀୟ ବିପର୍ଯ୍ୟୟ ବିଷୟରେ ଚେତାବନୀ ଦେଇ “ସମ୍ପୂର୍ଣ୍ଣ ଶାସନ ପରିବର୍ତ୍ତନ” ପାଇଁ ମଧ୍ୟ ଆହ୍ୱାନ କରିଛନ୍ତି।
ସେ ଆହୁରି କହିଛନ୍ତି ଯେ, ଯଦି ପରିସ୍ଥିତିରେ ପରିବର୍ତ୍ତନ ନ ଆସେ, ତେବେ ଏକ ସଭ୍ୟତାର ସମ୍ପୂର୍ଣ୍ଣ ଅନ୍ତ ହୋଇପାରେ। “ମୁଁ ଏହା ଚାହୁଁନି, କିନ୍ତୁ ବୋଧହୁଏ ଏହା ଘଟିପାରେ,” ବୋଲି ସେ ଲେଖିଛନ୍ତି।
ଟ୍ରମ୍ପଙ୍କ ମତାନୁସାରେ, ଇରାନରେ ବର୍ତ୍ତମାନ ଏକ ନୂତନ ଶକ୍ତି ପରିବର୍ତ୍ତନର ସମ୍ଭାବନା ଦେଖାଦେଇଛି, ଯେଉଁଠାରେ “ବୁଦ୍ଧିମାନ ଓ କମ୍ କଟ୍ଟରପନ୍ଥୀ” ଲୋକମାନେ ଆଗକୁ ଆସିପାରନ୍ତି। ସେ କହିଛନ୍ତି ଯେ, ଆସନ୍ତା କିଛି ଘଣ୍ଟା ବିଶ୍ୱ ଇତିହାସରେ ଏକ ଗୁରୁତ୍ୱପୂର୍ଣ୍ଣ ମୁହୂର୍ତ୍ତ ହୋଇପାରେ।
ଏହି ପୋଷ୍ଟ ଖାର୍ଗ ଦ୍ୱୀପରେ ଆକ୍ରମଣ ପରେ କିଛି ମିନିଟ୍ରେ କରାଯାଇଥିବା ବୋଲି ଜଣାପଡ଼ିଛି। ଏହି ଆକ୍ରମଣରେ ତୈଳ ଭିତ୍ତିଭୂମି ସହ ଅନେକ ସାମରିକ ଘାଟି ଓ ସେତୁକୁ ଟାର୍ଗେଟ କରାଯାଇଥିବା ଖବର ମିଳିଛି।
ବିଶ୍ଳେଷକମାନଙ୍କ କହିବା ଅନୁଯାୟୀ, ଯଦି ଏହି ସଂଘର୍ଷ ଆଗକୁ ବଢେ, ତେବେ ଏହା କେବଳ ମଧ୍ୟପ୍ରାଚ୍ୟ ନୁହେଁ, ସାରା ବିଶ୍ୱର ସୁରକ୍ଷା ଓ ଶକ୍ତି ବଜାରକୁ ଗଭୀର ପ୍ରଭାବିତ କରିପାରେ।