New Delhi: ଆଗାମୀ ଆସାମ ବିଧାନସଭା ନିର୍ବାଚନ ୨୦୨୬ ପାଇଁ Bharatiya Janata Party ପକ୍ଷରୁ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରାଯାଇଛି। ଏହି ତାଲିକାରେ ମୋଟ ୮୮ ଜଣ ପ୍ରାର୍ଥୀଙ୍କୁ ଟିକେଟ୍ ଦିଆଯାଇଛି। ଆସାମର ମୁଖ୍ୟମନ୍ତ୍ରୀ Himanta Biswa Sarma ଜାଲୁକବାରୀ ଆସନରୁ ପୁଣିଥରେ ପ୍ରତିଯୋଗିତା କରିବେ। ବର୍ତ୍ତମାନ ସେ ଏହି ଆସନର ବିଧାୟକ ଅଛନ୍ତି ଏବଂ ୨୦୦୧ ଠାରୁ ଲଗାତାର ଏଠାରୁ ଜିତିଆସୁଛନ୍ତି। ୨୦୦୧, ୨୦୦୬, ୨୦୧୧, ୨୦୧୬ ଓ ୨୦୨୧ରେ ସେ ଏହି ଆସନରୁ ବିଜୟୀ ହୋଇଥିଲେ। ୨୦୨୧ ମେ ୧୦ରେ ସେ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ।
ଦଳ ଭବାନୀପୁର ଆସନରୁ ରଞ୍ଜିତ କୁମାର ଦାସ ଓ ଦିସପୁରରୁ ପ୍ରଦ୍ୟୁତ ବୋରଦୋଲାଇଙ୍କୁ ପ୍ରାର୍ଥୀ କରିଛି। ପ୍ରଦ୍ୟୁତ ନିକଟରେ କଂଗ୍ରେସ ଛାଡି ବିଜେପିରେ ଯୋଗ ଦେଇଥିଲେ। ଏହା ସହିତ ପୂର୍ବତନ କଂଗ୍ରେସ ନେତା ଭୁପେନ କୁମାର ବୋରାହଙ୍କୁ ବିହପୁରିଆ ଆସନରୁ ଟିକେଟ୍ ଦିଆଯାଇଛି। ସେ ମଧ୍ୟ ସମ୍ପ୍ରତି କଂଗ୍ରେସ ଛାଡି ବିଜେପିରେ ସାମିଲ ହୋଇଥିଲେ।ପ୍ରାର୍ଥୀ ତାଲିକା ନେଇ ଚୂଡାନ୍ତ ନିଷ୍ପତ୍ତି ପାଇଁ ବିଜେପିର କେନ୍ଦ୍ରୀୟ ନିର୍ବାଚନ କମିଟିର ବୈଠକ ବସିଥିଲା। ଏହି ବୈଠକରେ Narendra Modi, Rajnath Singh ଓ Amit Shah ସହିତ ଅନ୍ୟ ନେତାମାନେ ଉପସ୍ଥିତ ଥିଲେ। ଆସାମର ମୋଟ ୧୨୬ଟି ବିଧାନସଭା ଆସନ ପାଇଁ ଏପ୍ରିଲ ୯ରେ ଭୋଟ୍ ଗ୍ରହଣ ହେବ ଓ ମେ ୪ରେ ଫଳାଫଳ ପ୍ରକାଶ ପାଇବ।