ବ୍ରାଜିଲ:- ବ୍ରାଜିଲର ପୂର୍ବତନ ରାଷ୍ଟ୍ରପତି ଜାଇର ବୋଲସୋନାରୋ ହେଲେ ଗୃହବନ୍ଦୀ । ବ୍ରାଜିଲରେ ଗଣତନ୍ତ୍ର ଉପରେ ଏକ ବଡ଼ ଆକ୍ରମଣର ଷଡ଼ଯନ୍ତ୍ର ଅଭିଯୋଗରେ ପୂର୍ବତନ ରାଷ୍ଟ୍ରପତି ଜାୟର ବୋଲସୋନାରୋଙ୍କୁ ଗୃହବନ୍ଦୀ କରାଯାଇଛି । ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ତାଙ୍କୁ ରିଓ ଡି ଜେନେରିଓ ସ୍ଥିତ ତାଙ୍କ ବାସଭବନରେ ନଜରବନ୍ଦୀ ରଖାଯାଇଛି । ଏହି ଘଟଣାକୁ ନେଇ ସମଗ୍ର ବିଶ୍ୱରେ ଚର୍ଚ୍ଚା ଆରମ୍ଭ ହୋଇଥିବାବେଳେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ବୋଲସୋନାରୋଙ୍କ ସମର୍ଥନରେ ବାହାରିଛନ୍ତି । ଗୁରୁତ୍ୱପୂର୍ଣ୍ଣ କଥା ହେଉଛି ସୁପ୍ରିମକୋର୍ଟଙ୍କ ଏହି ନିର୍ଦ୍ଦେଶ ଏପରି ସମୟରେ ଆସିଛି ଯେତେବେଳେ ଆମେରିକା ଏବଂ ବ୍ରାଜିଲ ମଧ୍ୟରେ ବାଣିଜ୍ୟ ଯୁଦ୍ଧ ତୀବ୍ର ହୋଇଛି ।
ବିଚାରପତି ଆଲେକଜାଣ୍ଡର ଡି ମୋରେସ ତାଙ୍କ ନିର୍ଦ୍ଦେଶ ମାଧ୍ୟମରେ କହିଛନ୍ତି, ବୋଲସୋନାରୋ ଗତ ମାସରେ ସୋସିଆଲ ମିଡିଆ ବ୍ୟବହାର ଉପରେ ଲାଗୁ ହୋଇଥିବା ପ୍ରତିବନ୍ଧକକୁ ଉଲ୍ଲଂଘନ କରିଛନ୍ତି, ତାଙ୍କୁ ଇଲେକ୍ଟ୍ରୋନିକ ଆଙ୍କଲ ଟ୍ୟାଗ ପିନ୍ଧିବାକୁ ମଧ୍ୟ ନିର୍ଦ୍ଦେଶ ଦିଆଯାଇଥିଲା । ସେ ତାଙ୍କ ତିନି ସାଂସଦ ପୁଅଙ୍କ ସୋସିଆଲ ମିଡିଆ ଆକାଉଣ୍ଟ ମାଧ୍ୟମରେ ବିଷୟବସ୍ତୁ ପୋଷ୍ଟ କରିଥିଲେ, ଯାହା ନିୟମ ବିରୋଧରେ ଥିଲା ।
ବୋଲସୋନାରୋଙ୍କ ଉପରେ ୨୦୨୨ ମସିହାରେ ହୋଇଥିବା ରାଷ୍ଟ୍ରପତି ନିର୍ବାଚନ ଫଳାଫଳକୁ ହେର୍ଫେର୍ ପାଇଁ ଏକ ସାମରିକ ବିଦ୍ରୋହର ଷଡ଼ଯନ୍ତ୍ର କରିଥିବା ଅଭିଯୋଗ ହୋଇଛି । ସୁପ୍ରିମକୋର୍ଟର ବିଚାରପତି ଆଲେକ୍ସଜାଣ୍ଡାର୍ ଡି ମୋରେସ୍ଙ୍କ ନିର୍ଦ୍ଦେଶରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି । ଅଭିଯୋଗ ଅନୁଯାୟୀ, ବୋଲସୋନାରୋ ନିର୍ବାଚନରେ ତାଙ୍କ ପ୍ରତିଦ୍ୱନ୍ଦ୍ୱୀ ଲୁଇଜ୍ ଇନାସିଓ ଲୁଲା ଡା ସିଲଭାଙ୍କ ବିଜୟକୁ ଅବୈଧ ଘୋଷଣା କରିବା ଏବଂ ସେନାକୁ କ୍ଷମତା ଦଖଲ ପାଇଁ ଉସକାଇବାକୁ ଯୋଜନା କରିଥିଲେ ।