(ଶିଳାସ୍ମିତା ରାୟ) ଭୁବନେଶ୍ୱର: ନିର୍ବାଚନ ଆଗକୁ । ଏପରି ସମୟରେ ନବୀନ ପଟ୍ଟନାୟକଙ୍କ ପାଇଁ ସୃଷ୍ଟି ହୋଇପାରେ ସମସ୍ୟା । ପୂର୍ବର ଏକ ଖଣି ଦୁର୍ନୀତି। ସୁପ୍ରିମ କୋର୍ଟରେ କୋଲ୍ ବ୍ଲକ୍ ଆବଣ୍ଟନ ମାମଲାର ତଦନ୍ତ ନିର୍ବାଚନ ପୂର୍ବରୁ ଶେଷ କରିବାକୁ ଆବେଦନ କରାଯାଇଛି । ଏଥିସହ ସିବିଆଇକୁ ତୁରନ୍ତ ତଦନ୍ତ କରିବାକୁ ନିର୍ଦ୍ଦେଶ ଦେବାକୁ ଆବେଦନରେ ଉଲ୍ଲେଖ କରାଯାଇଛି । ।
ଖବର ସରବରାହ ସଂସ୍ଥା ଏଏନଆଇ ଅନୁଯାୟୀ, ୨୦୧୪, ମାର୍ଚ୍ଚ ୨୬ରେ କୋଇଲା ଖଣି ଆବଣ୍ଟନ ନେଇ ନବୀନ ପଟ୍ଟନାୟକଙ୍କ ନାଁରେ ମାମଲା ପଞ୍ଜିକୃତ ହୋଇଥିଲା । କିନ୍ତୁ ଏ ଯାଏ ମାମଲା ତଦନ୍ତାଧୀନ ରହିଛି । ତେଣୁ ଏହାର ତଦନ୍ତ କରି ତ୍ୱରିତ ଶୁଣାଣୀ କରିବାକୁ ଆବେଦନରେ ଦର୍ଶାଯାଇଛି ।
ଏମ୍/ଏସ୍ ସେଣ୍ଟ୍ରାଲ କୋଲିଆରିଜ୍ କୋ. ଲିମିଟେଡ୍କୁ ୧୯୯୮ ମସିହାରେ କୋଇଲା ଖଣି ମିଳିଥିଲା । ମହାରାଷ୍ଟ୍ର ତକ୍ଲି-ଜେନା ବେଲୋରା କୋଲ୍ ଫିଲ୍ଡକୁ କମ୍ପାନୀକୁ ଦିଆଯାଇଥିଲା । କିନ୍ତୁ ପଞ୍ଜିକୃତ ହେବା ପୂର୍ବରୁ କମ୍ପାନୀକୁ ଏହି କୋଇଲା ଖଣି ମିଳିଥିଲା ବୋଲି ପରେ ଅଭିଯୋଗ ଆସିଥିଲା । ସେତେବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ଇସ୍ପାତ ଓ ଖଣି ମନ୍ତ୍ରୀ ଥିଲେ । ତେଣୁ ଏହି ମାମଲାରେ ନବୀନଙ୍କ ଭୂମିକା ସନ୍ଦେହ ଘେରକୁ ଆସିଥିଲା । ଯାହାକୁ ନେଇ ୨୦୧୪ରେ ମାମଲା ଦାୟର ହୋଇଥିଲା । ଏହାର ତଦନ୍ତଭାର ସିବିଆଇକୁ ହସ୍ତାନ୍ତର କରାଯାଇଥିଲା ।
