କେନ୍ଦ୍ର କ୍ୟାବିନେଟରେ ଛଅଟି ବଡ ନିଷ୍ପତ୍ତି । ଚାଷୀ ଏବଂ ରେଳବାଇ ସହିତ ଜଡିତ ଛଅଟି ପ୍ରମୁଖ ନିଷ୍ପତ୍ତି ନିଆଯାଇଛି । କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ NCDC-ଜାତୀୟ ସମବାୟ ବିକାଶ ନିଗମର ପାଣ୍ଠି ବୃଦ୍ଧି କରାଯାଇଛି। ୯୪ ପ୍ରତିଶତ ଚାଷୀ ଏହା ସହିତ ଜଡିତ। କ୍ୟାବିନେଟ୍ ୨୦୦୦ କୋଟି ଟଙ୍କାର ଆର୍ଥିକ ସହାୟତା ଦେଇଛି। କ୍ୟାବିନେଟ୍ ୨୦୨୫-୨୬ ରୁ ୨୦୨୮-୨୯ ପର୍ୟ୍ୟନ୍ତ ୨୦୦୦ କୋଟି ଟଙ୍କା ବ୍ୟୟ ସହିତ କେନ୍ଦ୍ରୀୟ କ୍ଷେତ୍ର ଯୋଜନା ‘ଜାତୀୟ ସମବାୟ ବିକାଶ ନିଗମକୁ ଅନୁଦାନ ସହାୟତା’କୁ ଅନୁମୋଦନ କରିଛି। ପ୍ରଧାନମନ୍ତ୍ରୀ କୃଷି ସମ୍ପଦ ଯୋଜନାରେ ୬୫୨୦ କୋଟି ଟଙ୍କାର ଆର୍ଥିକ ବ୍ୟୟବରାଦ ବୃଦ୍ଧି କରାଯାଇଛି। ପ୍ରୟୋଗଶାଳା ଏବଂ ଭିତ୍ତିଭୂମି ସୁବିଧା ପାଇଁ ୧୦୦୦ କୋଟି ଟଙ୍କାର ଅତିରିକ୍ତ ସହାୟତା ଘୋଷଣା କରାଯାଇଛି। ଏହା ଅଧୀନରେ, ଖାଦ୍ୟ ପରୀକ୍ଷଣ ପ୍ରୟୋଗଶାଳା ଏବଂ ବିକିରଣ ୟୁନିଟ୍ ସ୍ଥାପନ କରାଯିବ।
ସେହିପରି ରପ୍ତାନି ୫ ବିଲିୟନ ଡଲାରରୁ ୧୧ ବିଲିୟନ ଡଲାରକୁ ବୃଦ୍ଧି ପାଇଛି। ଏହା ସହିତ, ସରକାର ଏକ ବଡ଼ ରେଳ ପ୍ରକଳ୍ପ ଘୋଷଣା କରିଛନ୍ତି। ଇତାରସିରୁ ନାଗପୁର ପର୍ୟ୍ୟନ୍ତ ଚତୁର୍ଥ ଲାଇନ ନିର୍ମାଣକୁ କ୍ୟାବିନେଟ ମଞ୍ଜୁରୀ ଦେଇଛି। ତୃତୀୟ ଲାଇନର କାମ ଚାଲିଛି ଏବଂ ଆଜି ଚତୁର୍ଥ ଲାଇନକୁ ମଞ୍ଜୁରୀ ଦିଆଯାଇଛି। ପ୍ରଧାନମନ୍ତ୍ରୀ କିଷାନ ସମ୍ପଦ ଯୋଜନା (PMKSY) ବିଷୟରେ ସୂଚନା ଦେଇ କେନ୍ଦ୍ରମନ୍ତ୍ରୀ କହିଛନ୍ତି ଯେ କ୍ୟାବିନେଟ୍ ୨୦୨୧-୨୨ ରୁ ୨୦୨୫-୨୬ ପର୍ୟ୍ୟନ୍ତ ଚାଲିବାକୁ ଥିବା ଏହି ଯୋଜନା ପାଇଁ ୧୯୨୦ କୋଟି ଟଙ୍କାର ଅତିରିକ୍ତ ବ୍ୟୟ ସହିତ ମୋଟ ୬୫୨୦ କୋଟି ଟଙ୍କାର ବ୍ୟୟବରାଦକୁ ଅନୁମୋଦନ କରିଛି। ଏହା ସହିତ, କ୍ୟାବିନେଟ୍ ମହାରାଷ୍ଟ୍ର, ମଧ୍ୟପ୍ରଦେଶ, ପଶ୍ଚିମବଙ୍ଗ, ବିହାର, ଓଡ଼ିଶା ଏବଂ ଝାଡ଼ଖଣ୍ଡ ରାଜ୍ୟର ୧୩ଟି ଜିଲ୍ଲାକୁ କଭର କରୁଥିବା ଚାରୋଟି ମଲ୍ଟିଟ୍ରାକିଂ ପ୍ରକଳ୍ପକୁ ଅନୁମୋଦନ କରିଛି। ଏହା ଭାରତୀୟ ରେଳବାଇର ବିଦ୍ୟମାନ ନେଟୱାର୍କକୁ ପ୍ରାୟ ୫୭୪ କିଲୋମିଟର ବୃଦ୍ଧି କରିବ।