କ’ଣ ଆପଣ କେବେ ଭାବିଛନ୍ତି କୁକୁର ରାତିରେ କାହିଁକି କାନ୍ଦନ୍ତି ଏବଂ କୁକୁର କାନ୍ଦିବା କାହିଁକି ଅଶୁଭ ହୋଇଥାଏ । ବୟସ୍କ ଲୋକ କହିଥାନ୍ତି କୁକୁର କାନ୍ଦିବା ଦ୍ୱାରା କୌଣସି ବ୍ୟକ୍ତିର ମୃତ୍ୟୁ ସଂକେତ ହୋଇଥାଏ । ଏହା ଦ୍ୱାରା ଆଖ ପାଖରେ କାହାର ନା କାହାର ମୃତ୍ୟୁ ହେବାର ସମ୍ଭାବନା ରହିଥାଏ । ଏହା ସହିତ ଅନେକ ଲୋକ କୁହନ୍ତି କୁକୁରଙ୍କୁ ପ୍ରେତ ଆତ୍ମା ମଧ୍ୟ ଦେଖା ଦେଇଥାନ୍ତି ।
ଅନେକ ଥର ରାତି ଅଧରେ କୁକୁରମାନେ ଭୁକିବା ଦେଖିବାକୁ ମିଳିଥାଏ । କିନ୍ତୁ ସେହି ସମୟରେ ଏପରି ଲାଗେ ଯେମିତି ସେମାନେ କାନ୍ଦୁଛନ୍ତି । ତେବେ ପୁରୁଣା ବିଶ୍ୱାସ ରହିଛି ଯେ, କୁକୁର ଏମିତି ଭୁକିଲେ କିଛି ଖରାପ ଘଟଣା ଘଟିଥାଏ । କୁକୁରର ଭୁକିବା ପଛର ଗୋଟିଏ କାରଣ ହେଉଛି ଯେ ସେମାନେ ରାତିରେ କିଛି ଅଘଟଣ ଘଟିବାର ସୂଚନା ଦେଇଥାନ୍ତି । ଏହା ମଧ୍ୟ ବିଶ୍ୱାସ କରାଯାଏ ଯେ, ଯଦି ଗୃହପାଳିତ କୁକୁର କାନ୍ଦିବା ଆରମ୍ଭ କରେ କିମ୍ବା ଆଖିରୁ ଲୁହ ଆସୁଛି, କିମ୍ବା ଯଦି ଏହା ଖାଇବା ପିଇବା ବନ୍ଦ କରେ, ତେବେ ଏହାର ଅର୍ଥ ମଧ୍ୟ ଘରେ ସଙ୍କଟ ଦେଖାଦେଇଥାଏ।
ଧାର୍ମିକ ଦୃଷ୍ଟିକୋଣ କ’ଣ ?
କୁକୁରକୁ ଭୈରବ ବାବାଙ୍କ ବାହନ ବୋଲି କୁହାଯାଏ। ଏପରି ପରିସ୍ଥିତିରେ, କୁକୁର ସହିତ ଜଡିତ ଯେକୌଣସି ଘଟଣା ଉଭୟ ଶୁଭ ଏବଂ ଭଲ ସଙ୍କେତ ଦେଇଥାଏ। ତାହା ହେଉଛି, କୁକୁର ରାତିରେ କିମ୍ବା ଦିନରେ କାନ୍ଦୁ, ଏହା ସମାନ ଏବଂ ଏହା ଏକ ସଙ୍କେତ ଯେ ଭଗବାନ ଭୌରବ ବ୍ୟକ୍ତିଙ୍କୁ ଚେତାବନୀ ଦେଉଛନ୍ତି। ଅବଶ୍ୟ, ଏହା କୌଣସି ଅଘଟଣ ଘଟଣାକୁ ସୂଚିତ କରେ ନାହିଁ।
ବୈଜ୍ଞାନିକ ଦୃଷ୍ଟିକୋଣ କ’ଣ?
ଯଦି ଏହାର ବୈଜ୍ଞାନିକ କାରଣ ଦେଖାଯାଏ, ତେବେ କୁକୁରମାନେ ସେତେବେଳେ କାନ୍ଦନ୍ତି ଯେତେବେଳେ ସେମାନଙ୍କୁ ତାଙ୍କ ଅନ୍ୟ ସାଥୀମାନଙ୍କୁ ବାର୍ତ୍ତା ପହଞ୍ଚାଇବାକୁ ପଡିଥାଏ । ଏହି ବିଶେଷ ସ୍ୱର ମାଧ୍ୟମରେ, ଅନେକ ଥର ସେମାନେ ସେମାନଙ୍କର ଅବସ୍ଥାନକୁ ଅନ୍ୟ ସାଥୀମାନଙ୍କୁ କହିଥାନ୍ତି ।
ଏକ ଗଣମାଧ୍ୟମ ରିପୋର୍ଟ ଅନୁଯାୟୀ, କୁକୁର ଏପରି ଏକ ପ୍ରାଣୀ ଯାହା ମଣିଷ ସହିତ ମିଶିବାକୁ ପସନ୍ଦ କରେ। ସେମାନେ ଏକାକୀକ ରହିବାକୁ ଆଦୌ ପସନ୍ଦ କରନ୍ତି ନାହିଁ । ଯେତେବେଳେ ସେମାନେ ଘରେ କିମ୍ବା ବାହାରେ ରାସ୍ତାରେ ଏକୁଟିଆ ରହନ୍ତି, ସେମାନେ ଏକାକୀ ଅନୁଭବ କରନ୍ତି। ଏହି କାରଣରୁ ସେମାନେ କାନ୍ଦନ୍ତି। କୁକୁର ଆଘାତ ପାଇଲେ କିମ୍ବା ତାଙ୍କ ସ୍ୱାସ୍ଥ୍ୟ ଭଲ ନଥିଲେ ସେ କାନ୍ଦିଥାନ୍ତି ।