ଭାରସାମ୍ୟ ହରାଇ ପାହାଡ ତଳକୁ ଖସିପଡିଲା ବସ୍ । ରାମନଗର ସହରରୁ ଜମ୍ମୁର ଉଧମପୁର ଯାଉଥିବା ଏକ ଯାତ୍ରୀବାହୀ ବସ୍ ନିୟନ୍ତ୍ରଣ ହରାଇ ପାହାଡ଼ ତଳକୁ ଖସି ପଡ଼ିଲା। ରିପୋର୍ଟ ଅନୁଯାୟୀ, ଡ୍ରାଇଭର ହଠାତ୍ ନିୟନ୍ତ୍ରଣ ହରାଇବାରୁ ବସ୍ ଟି ଓଲଟି ପଡ଼ି ପାହାଡ଼ ତଳକୁ ଖସି ପଡ଼ିଲା। ଏପର୍ଯ୍ୟନ୍ତ ଏହି ଦୁର୍ଘଟଣାରେ ୧୬ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି।
କେନ୍ଦ୍ର ମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହ କହିଛନ୍ତି, “କିଛି ସମୟ ପୂର୍ବରୁ, ମୁଁ ଉଧମପୁର ଡିସି ଶ୍ରୀ ମିଙ୍ଗା ଶେର୍ପାଙ୍କ ସହ କଥା ହୋଇଥିଲି। ମୁଁ କାନୋଟେ ଗାଁରେ ଏକ ଦୁଃଖଦ ସଡ଼କ ଦୁର୍ଘଟଣା ବିଷୟରେ ସୂଚନା ପାଇଥିଲି, ଯାହା ଗୋଟିଏ ଘଣ୍ଟା ପୂର୍ବରୁ ଘଟିଥିଲା। ଦୁର୍ଘଟଣା ପରେ ତୁରନ୍ତ ଉଦ୍ଧାର କାର୍ଯ୍ୟ ଆରମ୍ଭ କରାଯାଇଛି। ବହୁ କ୍ଷୟକ୍ଷତି ହେବାର ଆଶଙ୍କା କରାଯାଉଛି। ସମସ୍ତ ପ୍ରକାରର ସହାୟତା ଯୋଗାଇ ଦିଆଯାଉଛି। ଆହତମାନଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ପଠାଯାଉଛି, ଏବଂ ଗୁରୁତର ଆହତମାନଙ୍କୁ ବିମାନରେ ସ୍ଥାନାନ୍ତର କରିବା ପାଇଁ ବ୍ୟବସ୍ଥା କରାଯାଉଛି।
କେନ୍ଦ୍ରମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହ ଆହୁରୀ ମଧ୍ୟ କହିଛନ୍ତି, ମୁଁ ସ୍ଥାନୀୟ ପ୍ରଶାସନ ଏବଂ ଶ୍ରୀ ରାଜିନ୍ଦର ଶର୍ମାଙ୍କ ନେତୃତ୍ୱରେ ଆମର ସ୍ଥାନୀୟ କର୍ମୀଙ୍କ ଦଳ ସହିତ ନିରନ୍ତର ଯୋଗାଯୋଗରେ ଅଛି।
Accident Update Ramnagar-Udhampur:
In the tragic road accident of a transport bus near Kaghote Nalla , as of now, 16 persons have died on the spot, and several others have sustained serious injuries.Rescue and evacuation operations are currently underway with teams from Police,…
— Dr Jitendra Singh (@DrJitendraSingh) April 20, 2026
ଏହି ସମୟରେ, ଜମ୍ମୁ ଏବଂ କାଶ୍ମୀର ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ସୋସିଆଲ ମିଡିଆ ପ୍ଲାଟଫର୍ମ X ରେ ପୋଷ୍ଟ କରି କହିଛି, “ଉଧମପୁରରେ ଘଟିଥିବା ମର୍ମନ୍ତୁଦ ସଡ଼କ ଦୁର୍ଘଟଣା ଅତ୍ୟନ୍ତ ଦୁଃଖଦ। ସେମାନଙ୍କ ପ୍ରିୟଜନଙ୍କୁ ହରାଇଥିବା ପରିବାର ପ୍ରତି ମୋର ଗଭୀର ସମବେଦନା।”
Tragic road accident in Udhampur is heartbreaking. My deepest condolences to bereaved families. May God grant them strength. Praying for speedy recovery of injured. I have directed district admin, Police, SDRF & Health Dept to provide every possible assistance to those affected.
— Office of LG J&K (@OfficeOfLGJandK) April 20, 2026