୩୯ ବର୍ଷର ଶିକ୍ଷକତା ଜୀବନରୁ ଅବସର ନେଲେ ଶିକ୍ଷକ

ମାଲକାନଗିରି:- ଆଜି ମାଲକାନଗିରି ଜିଲ୍ଲା ଲୁଗେଲ୍ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ୩୯ ବର୍ଷର ଶିକ୍ଷକତା ଜୀବନ ସଫଳତାର ସହ ସମାପନ କରିଥିବା ବରିଷ୍ଠ ଶିକ୍ଷକ ଶ୍ରୀ ତପନ କୁମାର ବାଇନଙ୍କୁ ଏକ ଭବ୍ୟ ଅବସର କାଳୀନ ସମ୍ବର୍ଦ୍ଧନା ସମାରୋହ ମାଧ୍ୟମରେ ସମ୍ମାନିତ କରାଯାଇଥିଲା । ଏହି ଅବସରରେ ମୁଖ୍ୟ ଅତିଥି ଭାବେ ବ୍ଲକ୍ ଶିକ୍ଷାଧିକାରୀ ଶ୍ରୀ ରମେଶ ଚନ୍ଦ୍ର ବାରୋଇ, ସହ ଶିକ୍ଷାଧିକାରୀ ଶ୍ରୀ ଧନେଶ୍ଵର ନାୟକ ପୂର୍ବତନ ଜିଲ୍ଲା ସଭାପତି ବିଜେପି ନିମାଇଁ ପାଲ ଏବଂ ଶ୍ରୀ ଦାମୋଦର ଦୁରୁଆଙ୍କ ସଭାପତିତ୍ଵରେ ଏକ ସ୍ମରଣୀୟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଥିଲା ।

ଏହି ସମାରୋହରେ ଶିକ୍ଷକ ଶିକ୍ଷୟିତ୍ରୀ ଶ୍ରୀ ପରିମଳ ସାନା, ଶ୍ରୀ ସୁରେଶ ବଳ, ଶ୍ରୀ ଅକ୍ଷୟ କୁମାର ରାଉତ, ଶ୍ରୀମତୀ ପାର୍ବତୀ ପ୍ରଧାନ, ଶ୍ରୀମତୀ ଲାଛି ସୋଡ଼ୀ, ଶ୍ରୀମତୀ ସାବିତ୍ରୀ ମାତୁମ ଏବଂ ଶ୍ରୀ ଗୋବିନ୍ଦ ମଣ୍ଡଲ ଉପସ୍ଥିତ ଥିଲେ । ମଞ୍ଚ ସଞ୍ଚାଳନା ଓ କାର୍ଯ୍ୟକ୍ରମ ପରିଚାଳନା ଶ୍ରୀ ସଚିନ କୃଷ୍ଣ ସାନା, ଶ୍ରୀ କୃଷ୍ଣ ମଣ୍ଡଲ ଏବଂ ଶ୍ରୀ ଗୋଦାବରୀଶ ଦାସଙ୍କ ଦ୍ଵାରା ଅତ୍ୟନ୍ତ ସୁନ୍ଦର ଭାବେ ସମ୍ପାଦିତ ହୋଇଥିଲା । କାର୍ଯ୍ୟକ୍ରମରେ ଉପସ୍ଥିତ ସମସ୍ତେ ଶ୍ରୀ ବାଇନଙ୍କର ଦୀର୍ଘ ବର୍ଷର ଶିକ୍ଷକତା ଜୀବନରେ ତାଙ୍କର ଅବଦାନ, ନିଷ୍ଠା ଏବଂ ସଫଳତା ବିଷୟରେ ଉଚ୍ଚ ପ୍ରଶଂସା କରିଥିଲେ । ଏହି ଅବସରରେ ଶ୍ରୀ ବାଇନଙ୍କୁ ସମ୍ମାନଜନକ ଭାବେ ବିଦାୟ ଦିଆଯାଇ ତାଙ୍କର ସୁଖମୟ ଓ ସ୍ଵାସ୍ଥ୍ୟକର ଭବିଷ୍ୟତ କାମନା କରାଯାଇଥିଲା ।