ଭୁବନେଶ୍ଵର: ନଭେମ୍ବର କିମ୍ବା ଡିସେମ୍ବରରେ ଓଡ଼ିଶା ଆସିବେ ରାହୁଲ ଗାନ୍ଧି । ଏନେଇ ସୂଚନା ଦେଇଛନ୍ତି ପିସିସି ସଭାପତି ଭକ୍ତ ଦାସ । ଓଡିଶା ଗସ୍ତ ବେଳେ ରାହୁଲଙ୍କ ରୋଡ୍ ସୋ’, ପଦଯାତ୍ରା, ସଭା କାର୍ଯ୍ୟକ୍ରମ ରହିଛି । ଭୋଟ୍ ଚୋରି, ନାରୀ ନିର୍ଯାତନା, ଓଡ଼ିଶା କାହିଁକି ଗରିବ ସେ ଉପରେ ପ୍ରସଙ୍ଗ ଉଠାଇ ରାଜ୍ୟ ସରକାରଙ୍କୁ କାଉଣ୍ଟର କରିବେ ରାହୁଲ ।
ତେବେ ଏହା ପୂର୍ବରୁ ଗତ ଜୁଲାଇ ୧୧ ତାରିଖରେ ଓଡିଶା ଗସ୍ତରେ ଆସି ବରମୁଣ୍ଡା ପଡିଆରେ ସମ୍ବିଧାନ ବଞ୍ଚାଅ ସମାବେଶରେ ଯୋଗଦେଇଥିଲେ । ଏହା ସହିତ କଂଗ୍ରେସ ଭବନରେ ବସିଥିଲା ବଡ଼ ବୈଠକ । ଏଥିରେ ଦଳର ନେତାଙ୍କୁ ଗୁରୁମନ୍ତ୍ର ଦିଆଯିବା ସହ କୃଷକ, ଦଳିତ, ନାରୀ ନିର୍ଯାତନା, ସାମାଜିକ ନ୍ୟାୟଠାରୁ ଆରମ୍ଭ କରି ରଥଯାତ୍ରା ଅଘଟଣ ପ୍ରସଙ୍ଗରେ ରାହୁଲ ଡବଲ ଇଂଜିନ ସରକାର ବିରୋଧରେ ରଣହୁଙ୍କାର ଦେଇଥିଲେ ।