ସୈଫ୍ ଅଲ୍ଲୀ ଖାନ୍ଙ୍କ ଘରେ ପୋଲିସ କରାଇବ କ୍ରାଇମ୍ ସିନ୍ ରିକ୍ରିଏସନ୍। ଗିରଫ ଅଭିଯୁକ୍ତକୁ ନେଇ ସୈଫ୍ ଅଲ୍ଲୀ ଖାନ୍ଙ୍କ ଘରେ ମୁମ୍ବାଇ ପୋଲିସ୍ କ୍ରାଇମ୍ ସିନ୍ ରିକ୍ରିଏଟ୍ କରାଇବ। ଶନିବାର ଠାଣେରୁ ଗିରଫ ବାଂଲାଦେଶୀ ଯୁବକ ହିଁ ସୈଫ୍ ଘରେ ପଶି ତାଙ୍କୁ ଆକ୍ରମଣ କରିଥିବା କୁହାଯାଉଛି। ଅଭିଯୁକ୍ତର ନାମ ମହମ୍ମଦ ଶରିଫୁଲ ଇସ୍ଲାମ୍ ଶହଜାଦ । ତାକୁ ୫ ଦିନ ପୋଲିସ ହେଫାଜତରେ ନେଇଛି। ଏହି ୫ ଦିନରେ ଅଭିଯୁକ୍ତକୁ ନେଇ ସୈଫ୍ଙ୍କ ଘରେ କ୍ରାଇମ୍ ସିନ୍ ରିକ୍ରିଏଟ୍ କରିବ ପୋଲିସ । ଘଟଣା ପାଇଁ ମୁମ୍ବାଇ ପୋଲିସ ୩ ଜଣଙ୍କୁ ଗିରଫ କରିସାରିଲାଣି। ସେପଟେ ସିସିଟିଭିରେ କଏଦ ସନ୍ଦିଗ୍ଧର ଚେହେରା ଶନିବାର ଗିରଫ ମହମ୍ମଦ ଶିରଫୁଲ ସହ ମେଳ ଖାଉନଥିବା ଭଳି ମନେ ହେଉଛି। ୧୫ ଜାନୁଆରୀ ରାତିରେ ସୈଫ୍ଙ୍କ ଘରେ ପସି ତାଙ୍କ ଉପରେ ଛୁରୀରେ ଆକ୍ରମଣ କରିଥିଲା ସନ୍ଦିଗ୍ଧ । ଅଭିଯୁକ୍ତ ୭ ମହଲା ପର୍ଯ୍ୟନ୍ତ ସିଢିରେ ପରେ ପାଇପ୍ରେ ଚଢ଼ି ୧୨ତମ ମହଲାରେ ପହଞ୍ଚିଥିଲା । ଆଉ ବାଥରୁମ୍ ଝରକା ଦେଇ ଘର ଭିତରେ ପଶିଥିଲା ଅଭିଯୁକ୍ତ। ଆଉ ଏ ସବୁ ଘଟଣାର ସିନ୍ ରିକ୍ରିଏସନ୍ କରିବ ପୋଲିସ।
