Mumbai: ସାଉଥ୍ ଏବଂ ବଲିଉଡ୍ ଅଭିନେତ୍ରୀ Hansika Motwani ପୁଣିଥରେ ତାଙ୍କ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଆସିଛନ୍ତି। ହଂସିକା ଓ ତାଙ୍କ ସ୍ୱାମୀ ବ୍ୟବସାୟୀ Sohail Kathuriaଙ୍କ ମଧ୍ୟରେ ଛାଡ଼ପତ୍ର ହୋଇଥିବା ଖବର ସାମ୍ନାକୁ ଆସିଛି।
ସୂଚନା ଅନୁସାରେ, Bandra Family Court ଏହି ଦମ୍ପତିଙ୍କ ଛାଡ଼ପତ୍ରକୁ ଅଧିକୃତ ଭାବେ ମଞ୍ଜୁର କରିଛି। ସେମାନଙ୍କ ବିବାହ ପ୍ରାୟ ୪ ବର୍ଷ ଚାଲିଥିଲା। ତେବେ ଏହି ଦମ୍ପତିଙ୍କର କୌଣସି ସନ୍ତାନ ନାହିଁ।ହଂସିକା ଓ ସୋହେଲ ୪ ଡିସେମ୍ବର ୨୦୨୨ରେ ଆଡମ୍ବରପୂର୍ଣ୍ଣ ଭାବେ ବିବାହ କରିଥିଲେ। କିନ୍ତୁ କିଛି ବର୍ଷ ପରେ ସେମାନଙ୍କ ବିବାହିକ ଜୀବନରେ ଅଶାନ୍ତି ଥିବା ନେଇ ଚର୍ଚ୍ଚା ଆରମ୍ଭ ହୋଇଥିଲା।
ହଂସିକାଙ୍କ ଓକିଲ Adnan Sheikh କହିଛନ୍ତି ଯେ, ଉଭୟ ପକ୍ଷର ସହମତିରେ ଏହି ଛାଡ଼ପତ୍ର ହୋଇଛି। ପ୍ରାରମ୍ଭରେ ହଂସିକା ଅଲଗା ହେବାକୁ ଅନୁମତି ମାଗିଥିଲେ ଏବଂ ପରେ ସୋହେଲ କଥୁରିଆ ମଧ୍ୟ କୋର୍ଟରେ ସହମତି ସୂଚକ ସତ୍ୟପାଠ ଦାଖଲ କରିଥିଲେ। ଅନ୍ୟପଟେ, ହଂସିକା ତାଙ୍କ ସ୍ୱାମୀଙ୍କ ଠାରୁ କୌଣସି ପ୍ରକାରର ରକ୍ଷାଣବେକ୍ଷଣ ଖର୍ଚ୍ଚ ବା ଆର୍ଥିକ ସହାୟତା ମାଗିନାହାନ୍ତି। ସେ ଏବେ ଶାନ୍ତିପୂର୍ଣ୍ଣ ଓ ସମ୍ମାନଜନକ ଜୀବନ ବଞ୍ଚିବାକୁ ଚାହୁଁଥିବା କଥା ତାଙ୍କ ଓକିଲ କହିଛନ୍ତି।
ଶିଶୁ କଳାକାର ଭାବରେ କ୍ୟାରିୟର ଆରମ୍ଭ କରିଥିବା ହଂସିକା ଟିଭି ଧାରାବାହିକ Shaka Laka Boom Boom ମାଧ୍ୟମରେ ବେଶ୍ ପରିଚିତି ଲାଭ କରିଥିଲେ। ପରେ ସେ Koi… Mil Gaya ଚଳଚ୍ଚିତ୍ରରେ Hrithik Roshanଙ୍କ ସହ ଶିଶୁ କଳାକାର ଭାବେ ଅଭିନୟ କରିଥିଲେ। ପରବର୍ତ୍ତୀ ସମୟରେ ୨୦୦୭ରେ ମୁକ୍ତିଲାଭ କରିଥିବା ଦକ୍ଷିଣ ଭାରତୀୟ ଚଳଚ୍ଚିତ୍ର Desamuduru ମାଧ୍ୟମରେ ସେ ଫିଲ୍ମ ଇଣ୍ଡଷ୍ଟ୍ରିରେ ନାୟିକା ଭାବରେ ପଦାର୍ପଣ କରିଥିଲେ। ଏହି ଫିଲ୍ମରେ ସେ Allu Arjunଙ୍କ ବିପକ୍ଷରେ ମୁଖ୍ୟ ଭୂମିକାରେ ନଜର ଆସିଥିଲେ।