ଏସିଏଫ୍ ସୌମ୍ୟ ରଞ୍ଜନ ମୃତ୍ୟୁ ମାମଲା: ପତ୍ନୀ ବିଦ୍ୟାଭାରତୀ ପଣ୍ଡାଙ୍କ ଜାମିନ ଆବେଦନ ଖାରଜ କଲେ କୋର୍ଟ

ଭୁବନେଶ୍ୱର: ମୃତ ଏସିଏଫ୍ (ACF) ସୌମ୍ୟ ରଞ୍ଜନ ମହାପାତ୍ରଙ୍କ ପତ୍ନୀ ବିଦ୍ୟାଭାରତୀ ପଣ୍ଡାଙ୍କ ନିୟମିତ ଜାମିନ ଆବେଦନକୁ ବୁଧବାର ଦିନ ଅତିରିକ୍ତ ଜିଲ୍ଲା ଓ ସେସନ୍ସ ଜଜ୍ ଖାରଜ କରିଦେଇଛନ୍ତି। ଫଳରେ ସେ ବିଚାର ବିଭାଗୀୟ ହାଜତରେ (ଜେଲରେ) ରହିବେ।

ଓଡ଼ିଶା ହାଇକୋର୍ଟ ଅକ୍ଟୋବର ୩୧ ତାରିଖରେ ତାଙ୍କର ଅଗ୍ରୀମ ଜାମିନ ଆବେଦନ ଖାରଜ କରିବା ପରେ, ବିଦ୍ୟାଭାରତୀ ନଭେମ୍ବର ୨ ତାରିଖରେ ପାରଳାଖେମୁଣ୍ଡି ସ୍ଥିତ ଏସଡିଜେଏମ୍ (SDJM) କୋର୍ଟରେ ଆତ୍ମସମର୍ପଣ କରିଥିଲେ। ଏହା ପରେ ସେ ନଭେମ୍ବର ୭ ତାରିଖରେ ଜିଲ୍ଲା ଓ ସେସନ୍ସ ଜଜ୍‌ଙ୍କ କୋର୍ଟରେ ନିୟମିତ ଜାମିନ ପାଇଁ ଆବେଦନ କରିଥିଲେ।

ଘଟଣାଟି ୨୦୨୧ ମସିହାର
ଏହି ମାମଲାଟି ସୌମ୍ୟ ରଞ୍ଜନଙ୍କ ମୃତ୍ୟୁ ସହ ଜଡ଼ିତ। ୨୦୨୧ ମସିହା ଜୁଲାଇ ୧୨ ତାରିଖ ରାତିରେ ପାରଳାଖେମୁଣ୍ଡି ସ୍ଥିତ ନିଜ ସରକାରୀ ବାସଭବନରେ ସୌମ୍ୟ ରଞ୍ଜନ ଗୁରୁତର ଭାବେ ପୋଡ଼ି ଯାଇଥିଲେ। ଚିକିତ୍ସାଧୀନ ଅବସ୍ଥାରେ ପରଦିନ ତାଙ୍କର ମୃତ୍ୟୁ ଘଟିଥିଲା।

ଓଡ଼ିଶା ହାଇକୋର୍ଟ ଅକ୍ଟୋବର ୩୧ ତାରିଖରେ ତାଙ୍କର ଅଗ୍ରୀମ ଜାମିନ ଆବେଦନ ଖାରଜ କରିବା ପରେ, ବିଦ୍ୟାଭାରତୀ ନଭେମ୍ବର ୨ ତାରିଖରେ ପାରଳାଖେମୁଣ୍ଡି ସ୍ଥିତ ଏସଡିଜେଏମ୍ (SDJM) କୋର୍ଟରେ ଆତ୍ମସମର୍ପଣ କରିଥିଲେ। ଏହା ପରେ ସେ ନଭେମ୍ବର ୭ ତାରିଖରେ ଜିଲ୍ଲା ଓ ସେସନ୍ସ ଜଜ୍‌ଙ୍କ କୋର୍ଟରେ ନିୟମିତ ଜାମିନ ପାଇଁ ଆବେଦନ କରିଥିଲେ।

ପୂର୍ବରୁ ଜାମିନ ଆବେଦନ ଖାରଜ ହୋଇଥିଲା
ସୁପ୍ରିମକୋର୍ଟ ପୂର୍ବରୁ ବିଦ୍ୟାଭାରତୀଙ୍କ ‘ସ୍ପେଶାଲ୍ ଲିଭ୍ ପିଟିସନ୍’ (SLP) କୁ ଖାରଜ କରିଦେଇଥିଲେ। ଓଡ଼ିଶା ହାଇକୋର୍ଟ ମଧ୍ୟ ତାଙ୍କର ଅନ୍ୟ ଦୁଇଟି ଆବେଦନକୁ ଖାରଜ କରିବା ସହ, ଅକ୍ଟୋବର ୩୧ ତାରିଖରେ ତାଙ୍କର ଅଗ୍ରୀମ ଜାମିନ ଆବେଦନକୁ ମଧ୍ୟ ଅଗ୍ରାହ୍ୟ କରିଦେଇଥିଲେ।