ବଲିଉଡ୍ ଷ୍ଟାର୍ କପଲ୍ କ୍ୟାଟ୍ରିନା କୈଫ୍ ଓ ଭିକି କୌଶଲଙ୍କ ପ୍ରଶଂସକଙ୍କ ପାଇଁ ଦୀପାବଳିରେ ଆସିଛି ଖୁସି ଖବର। ଦୀର୍ଘ ଦିନର ଅପେକ୍ଷା ପରେ ନିଜ ପୁଅ ବିହାନ କୌଶଲଙ୍କ ମୁହଁର ପ୍ରଥମ ଝଲକ ସୋସିଆଲ ମିଡିଆରେ ସେୟାର କରିଛନ୍ତି ଏହି ଷ୍ଟାର୍ ଦମ୍ପତି। ଫଟୋ ସାମ୍ନାକୁ ଆସିବା ପରେ ଫ୍ୟାନ୍ସଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି।
କ୍ୟାଟ୍ରିନା ଓ ଭିକି ନିଜ ପୁଅ ବିହାନଙ୍କ ପ୍ରଥମ ଫଟୋ ସେୟାର କରିଛନ୍ତି। ଏହା ପୂର୍ବରୁ ଦୁହେଁ ପୁଅର ଫଟୋ ସେୟାର କରିଥିଲେ ମଧ୍ୟ ତାଙ୍କ ମୁହଁ ଦେଖାଇନଥିଲେ। ଏବେ ଦୀପାବଳିର ଶୁଭ ଅବସରରେ ପୁଅର ମୁହଁ ଦେଖାଇ ପ୍ରଶଂସକଙ୍କୁ ସରପ୍ରାଇଜ୍ ଦେଇଛନ୍ତି।
ନଭେମ୍ବର ୭ ତାରିଖରେ ବିହାନଙ୍କ ପ୍ରଥମ ଜନ୍ମଦିନ ଥିଲା। ଏହାର ଠିକ୍ ପରଦିନ ଦୀପାବଳି ଅବସରରେ ତାଙ୍କ ପ୍ରଥମ ଝଲକ ସାର୍ବଜନୀନ କରିଛନ୍ତି କ୍ୟାଟ୍ରିନା ଓ ଭିକି। ଫଟୋରେ ବିହାନଙ୍କ କ୍ୟୁଟ୍ ଲୁକ୍ ଫ୍ୟାନ୍ସଙ୍କ ମନ ଜିଣିଛି।
କ୍ୟାଟ୍ରିନା କୈଫ୍ ଓ ଭିକି କୌଶଲ ୨୦୨୧ ଡିସେମ୍ବର ୯ରେ ରାଜସ୍ଥାନରେ ବିବାହ କରିଥିଲେ। ଦୀର୍ଘ ଦିନ ଧରି ନିଜ ବ୍ୟକ୍ତିଗତ ଜୀବନକୁ ଗୋପନୀୟ ରଖିଥିବା ଏହି ଦମ୍ପତି ୨୦୨୫ ନଭେମ୍ବର ୭ରେ ପୁତ୍ର ସନ୍ତାନର ମାତାପିତା ହୋଇଥିଲେ। ଏବେ ପୁଅର ପ୍ରଥମ ଝଲକ ଦେଖିବା ପରେ ସୋସିଆଲ ମିଡିଆରେ ଶୁଭେଚ୍ଛାର ସୁଅ ଛୁଟିଛି।