ବନମହୋତ୍ସବ-୨୦୨୬ ପାଳନ ଅବସରରେ ପିଏମ୍ ଶ୍ରୀ କେନ୍ଦ୍ରୀୟ ବିଦ୍ୟାଳୟ, କନ୍ଧମାଳ ପରିସରରେ ଏକ ବୃକ୍ଷରୋପଣ କାର୍ଯ୍ୟକ୍ରମ ସଫଳତାର ସହ ଆୟୋଜିତ ହୋଇଥିଲା | ଏହି କାର୍ଯ୍ୟକ୍ରମର ଉଦ୍ଦେଶ୍ୟ ଥିଲା ପରିବେଶ ସଂରକ୍ଷଣ, ସବୁଜ ଆବରଣ ବୃଦ୍ଧି ଏବଂ ବନ, ଜୈବ ବିବିଧତା ତଥା ଜଳବାୟୁ ସ୍ଥିତିସ୍ଥାପକତାର ଗୁରୁତ୍ଵ ସମ୍ପର୍କରେ ଛାତ୍ରଛାତ୍ରୀ ଓ ସାଧାରଣ ଜନସାଧାରଣଙ୍କ ମଧ୍ୟରେ ସଚେତନତା ସୃଷ୍ଟି କରିବା| ଏହି କାର୍ଯ୍ୟକ୍ରମରେ କନ୍ଧମାଳ ସାଂସଦ ସୁକାନ୍ତ କୁମାର ପାଣିଗ୍ରାହୀ ମୁଖ୍ୟ ଅତିଥି ଭାବେ ଯୋଗଦେଇଥିଲେ |
ଏଥିରେ କନ୍ଧମାଳ ଜିଲ୍ଲାପାଳ ବେଦ ଭୁଷଣ,ଫୁଲବାଣୀ ବନଖଣ୍ଡର ଡିଭିଜନାଲ ଫରେଷ୍ଟ ଅଫିସର ପ୍ରତାପ କୋଟାପଲ୍ଲୀ ଯୋଗ ଦେଇଥିଲେ।କାର୍ଯ୍ୟକ୍ରମ ଅବସରରେ ମାନ୍ୟଗଣ୍ୟ ଅତିଥି, ଶିକ୍ଷକ ଓ ଛାତ୍ରଛାତ୍ରୀମାନେ ବିଦ୍ୟାଳୟ ପରିସରରେ ବିଭିନ୍ନ ପ୍ରଜାତିର ବୃକ୍ଷଚାରା ରୋପଣ କରି ପରିବେଶ ସୁରକ୍ଷା ଓ ନିରନ୍ତର ବିକାଶ ପ୍ରତି ନିଜମାନଙ୍କର ସାମୂହିକ ପ୍ରତିବଦ୍ଧତା ପ୍ରକାଶ କରିଥିଲେ । ବୃକ୍ଷରୋପଣ କାର୍ଯ୍ୟକ୍ରମ ବନମହୋତ୍ସବର ମୂଳ ଉଦ୍ଦେଶ୍ୟକୁ ସାର୍ଥକ କରିବା ସହ ସାମାଜିକ ବନୀକରଣ ଓ ପରିବେଶ ସଂରକ୍ଷଣ ପ୍ରତି ଜନସହଭାଗିତାକୁ ପ୍ରୋତ୍ସାହିତ କରିଥିଲା I