ରିଷଭ ପନ୍ତଙ୍କୁ ବଡ଼ ଝଟକା, ୨୭ କୋଟିରୁ ଖସିଲା ଦରମା

ଆଇପିଏଲ୍ ୨୦୨୭ ପୂର୍ବରୁ ହୋଇଛି ଏକ ବଡ଼ ଟ୍ରେଡ୍ ଡିଲ୍। ଋଷଭ ପନ୍ତ ଲକ୍ଷ୍ନୌ ସୁପରଜାଏଣ୍ଟ୍ସ ଛାଡ଼ି ପୁଣିଥରେ ଦିଲ୍ଲୀ କ୍ୟାପିଟାଲ୍ସକୁ ଫେରିଛନ୍ତି। ଅନ୍ୟପଟେ ଭାରତୀୟ ସ୍ପିନର କୁଲଦୀପ ଯାଦବ ଦିଲ୍ଲୀ କ୍ୟାପିଟାଲ୍ସ ଛାଡ଼ି LSGରେ ଯୋଗ ଦେଇଛନ୍ତି। IPL ଇତିହାସର ସବୁଠାରୁ ବଡ଼ ଟ୍ରେଡ୍ ମଧ୍ୟରୁ ଏହା ଗୋଟିଏ ବୋଲି କୁହାଯାଉଛି।

ଏହି ଟ୍ରେଡ୍ ପରେ ଋଷଭ ପନ୍ତଙ୍କ ଦରମାରେ ବଡ଼ ପ୍ରଭାବ ପଡ଼ିଛି। ୨୦୨୫ ମେଗା ନିଲାମରେ LSG ପନ୍ତଙ୍କୁ ୨୭ କୋଟି ଟଙ୍କାରେ କିଣିଥିଲା, ଯାହା ତାଙ୍କୁ IPL ଇତିହାସର ସବୁଠାରୁ ଦାମୀ ଖେଳାଳି କରିଥିଲା। କିନ୍ତୁ ନୂଆ ଟ୍ରେଡ୍ ଡିଲ୍ ପରେ ସେ କେବଳ ୧୫ କୋଟି ଟଙ୍କା ଦରମା ପାଇବେ। ଅର୍ଥାତ୍ ତାଙ୍କ ଦରମାରେ ସିଧାସଳଖ ୧୨ କୋଟି ଟଙ୍କା କମିଯାଇଛି।

ପନ୍ତଙ୍କ ପାଇଁ ଏହା ଘରକୁ ଫେରିବା ଭଳି। ୨୦୧୬ରୁ ୨୦୨୪ ପର୍ଯ୍ୟନ୍ତ ସେ ଦିଲ୍ଲୀ କ୍ୟାପିଟାଲ୍ସ ପାଇଁ ୧୧୧ଟି ମ୍ୟାଚ୍ ଖେଳିଥିଲେ ଏବଂ ୪୩ଟି ମ୍ୟାଚ୍‌ରେ ଅଧିନାୟକତ୍ୱ ମଧ୍ୟ କରିଥିଲେ। ଅନ୍ୟପଟେ LSG ପାଇଁ ଦୁଇଟି ସିଜନରେ ୨୮ଟି ମ୍ୟାଚ୍ ଖେଳି ୫୮୧ ରନ୍ ସଂଗ୍ରହ କରିଥିଲେ।

କୁଲଦୀପ ଯାଦବଙ୍କ ପାଇଁ ଏହି ଟ୍ରେଡ୍ କୌଣସି ଆର୍ଥିକ କ୍ଷତି ଆଣିନାହିଁ। ସେ LSGରେ ମଧ୍ୟ ୧୩.୫ କୋଟି ଟଙ୍କା ଦରମା ପାଇବେ। ଗତ ପାଞ୍ଚ ସିଜନ୍‌ରେ ଦିଲ୍ଲୀ ପାଇଁ ୬୫ଟି ମ୍ୟାଚ୍ ଖେଳି ୭୨ଟି ୱିକେଟ୍ ନେଇଥିବା କୁଲଦୀପ ଏବେ ପ୍ରଥମ ଥର ପାଇଁ LSG ଜର୍ସିରେ ନଜର ଆସିବେ।