ଗଞ୍ଜାମ ଜିଲ୍ଲା/ରଜନୀକାନ୍ତ ପାତ୍ର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ବିଜୁ ଜନତା ଦଳର ରାଜ୍ୟ ସଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ବିଜ୍ଞପ୍ତି ଜରିଆରେରେ ଗଞ୍ଜାମ ଜିଲ୍ଲାରେ ବିଜୁ ଜନତା ଦଳର କାର୍ଯ୍ୟକାରିଣୀ କମିଟି ପ୍ରକାଶ ପାଇଛି । ହିଞ୍ଜିଳିକାଟୁ ପୌରାଞ୍ଚଳର ପୂର୍ବତନ ନଗରପାଳ ହୃଦୟାନନ୍ଦ ମହାପାତ୍ରଙ୍କୁ ଗଞ୍ଜାମ ଜିଲ୍ଲାର ବିଜେଡ଼ି ଉପ ସଭାପତି ଓ ହିଞ୍ଜିଳିକାଟୁ ଅଞ୍ଚଳର ଯୁବ ନେତା ସଂସ୍କାର ପଟ୍ଟନାୟକଙ୍କୁ ଗଞ୍ଜାମ ଜିଲ୍ଲାର ଯୁବ ବିଜେଡ଼ି ସମ୍ପାଦକ ଭାବରେ ନିଯୁକ୍ତ କରାଯାଇଛି । ଏନେଇ ହିଞ୍ଜିଳିକାଟୁ ସହର ଉପଖଣ୍ଡ କରେଇଶୁଣି ପୀଠ ରେ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇ ଯାଇଛି । ଏହା ସହ ହିଞ୍ଜିଳିକାଟୁ ପୌରାଞ୍ଚଳ (ୱାର୍ଡ ନଂ ୧୪ନଂ)ର ବିଜେଡ଼ି ସଭାପତି ଭାବରେ ପୂର୍ବତନ କାଉନସିଲର ବିକ୍ରମ ବେହେରା ଓ ୱାର୍ଡ ନଂ୧୫ର ବିଜେଡ଼ି ସଭାପତି ଘନଶ୍ୟାମ ବେହେରାଙ୍କୁ ଉଭୟ ୱାର୍ଡର ଯୁବ ଗୋଷ୍ଠୀଙ୍କ ତରଫରୁ ସମ୍ବର୍ଦ୍ଧିତ କରାଯାଇଛି । ଏହି କର୍ଯ୍ୟକ୍ରମରେ ବହୁତ୍ ଯୁବକ ମାନେ ଉପସ୍ଥିତ ଥିଲେ।
