ରାଜଧାନୀର କଳିଙ୍ଗ ଷ୍ଟାଡିୟମରେ ଆରମ୍ଭ ହେବାକୁ ଯାଉଛି ୨୪ତମ ଜାତୀୟ ପାରା ଆଥଲେଟିକ୍ସ ଚାମ୍ପିଅନସିପ୍ ୨୦୨୬ । ଆସନ୍ତା ୧୮ ରୁ ୨୧ ମାର୍ଚ୍ଚ ପର୍ଯ୍ୟନ୍ତ ହେବ କ୍ରୀଡା ପ୍ରତି ଯୋଗିତା । ଭାରତୀୟ ପାରା ଅଲମ୍ପିକ୍ କମିଟି, ଓଡ଼ିଶା ସରକାର ଓ ପାରା ସ୍ପୋର୍ଟ୍ସ ଆସୋସିଏସନ୍ଙ୍କ ମିଳିତ ପ୍ରୟାସରେ ଏହି ଆୟୋଜନ କରାଯାଉଛି । ୧୮ ମାର୍ଚ୍ଚ ଅପରାହ୍ନ ୪ଟାରେ ହେବ ଉଦଘାଟନୀ ଉତ୍ସବ । କ୍ରୀଡା ମନ୍ତ୍ରୀ ସୂର୍ଯ୍ୟବଂଶୀ ସୂରଜ ଏଥିରେ ମୁଖ୍ୟ ଅତିଥି ଭାବେ ଯୋଗଦେଇ ଚାମ୍ପିଅନସିପ୍ର ଶୁଭାରମ୍ଭ କରିବେ।
Ahead of the 24th National Para Athletics Championship 2026, Additional Secretary, DSYS, Sri B. K. Swain addressed a joint press conference along with Chairman, @ParalympicIndia, Sri Satyanarayana and President, @paralympic_od, Sri Kamala Kanta Ratha, outlining key details of the… pic.twitter.com/Wvmv8ypcHM
— Odisha Sports (@sports_odisha) March 17, 2026
ଦେଶର ୨୮ଟି ରାଜ୍ୟରୁ ପ୍ରାୟ ୧୪୦୦ ରୁ ଅଧିକ ପାରା ଖେଳାଳି ୧୪୫ଟି ଇଭେଣ୍ଟରେ ଅଂଶଗ୍ରହଣ କରିବେ । ପ୍ରତିଯୋଗିତା ୧୯ ରୁ ୨୧ ମାର୍ଚ୍ଚ ପର୍ଯ୍ୟନ୍ତ ସକାଳ ୯ଟା ରୁ ୧୧ଟା ଏବଂ ସନ୍ଧ୍ୟା ୪ଟାରୁ ରାତି ୮ଟା ପର୍ଯ୍ୟନ୍ତ ଦୁଇଟି ସେସନରେ ହେବ । ଓଡ଼ିଶାରୁ ୪୦ ଜଣ ଦଳ ଅଂଶଗ୍ରହଣ କରୁଥିବାବେଳେ, ଦଳର ନେତୃତ୍ୱ ନେଉଛନ୍ତି ଜାତୀୟ ରେକର୍ଡ ଧାରୀ ସୁଚିତ୍ରା ପରିଡା । ଏହି ଚାମ୍ପିଅନସିପ୍ ପାରା କ୍ରୀଡା ପ୍ରତି ସଚେତନତା ବଢ଼ାଇବା ସହ ଅଧିକ ଲୋକଙ୍କୁ କ୍ରୀଡା ଦିଗରେ ପ୍ରେରିତ କରିବ ବୋଲି ଆଶା କରାଯାଉଛି।
