ଭୁବନେଶ୍ଵର: ଓଡ଼ିଶା କ୍ରିକେଟ ଆସୋସିଏସନ (OCA) ନିର୍ବାଚନକୁ ନେଇ ବିବାଦ ଦିନକୁ ଦିନ ତେଜୁଛି । ଜେନେରାଲ୍ ବଡି ବୈଠକକୁ ବୟକଟ୍ କରି Lalitendu Bidyadhar Mohapatra ଗଣମାଧ୍ୟମ ଆଗରେ ତୀବ୍ର ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି ଯେ, OCA ପକ୍ଷରୁ ନିର୍ବାଚନକୁ ଇଚ୍ଛାପୂର୍ବକ ଘୁଞ୍ଚାଯାଉଛି, ଯାହା Lodha Committee ର ନିୟମଙ୍କୁ ଉଲ୍ଲଙ୍ଘନ କରୁଛି। ତାଙ୍କ କଥାନୁସାରେ, ଦେଶର ଅନେକ ରାଜ୍ୟରେ ଏହି ନିୟମ ଅନୁସାରେ ନିର୍ବାଚନ ସମ୍ପନ୍ନ ହୋଇସାରିଛି, କିନ୍ତୁ ଓଡ଼ିଶାରେ ଏହାକୁ ଜାଣିଶୁଣି ବିଳମ୍ବ କରାଯାଉଛି।ଲଳିତେନ୍ଦୁ ଆହୁରି ଅଭିଯୋଗ କରି କହିଛନ୍ତି ଯେ, କିଛି ଲୋକ ଦୀର୍ଘଦିନ ଧରି OCA କୁ ନିୟନ୍ତ୍ରଣ କରିଆସୁଛନ୍ତି ଓ ସଂଘରେ ଆର୍ଥିକ ଅନିୟମିତତା ହୋଇଥିବା ସନ୍ଦେହ ରହିଛି। ସେ ଏହା ଉପରେ ସ୍ପେଶାଲ ଅଡିଟ୍ କରିବାକୁ ଦାବି କରିଛନ୍ତି। ପରବର୍ତ୍ତୀରେ ସେ Board of Control for Cricket in India (BCCI) କୁ ଏହା ସମ୍ବନ୍ଧରେ ଅବଗତ କରିବେ ଓ ଆବଶ୍ୟକ ହେଲେ ଆଇନୀ ପଦକ୍ଷେପ ନେବେ ବୋଲି କହିଛନ୍ତି।
ସେପଟେ OCA ସମ୍ପାଦକ ସଞ୍ଜୟ ବେହେରା ଏହି ସମସ୍ତ ଅଭିଯୋଗକୁ ଖଣ୍ଡନ କରିଛନ୍ତି। ସେ କହିଛନ୍ତି ଯେ, OCA ରେ କୌଣସି ଦୁର୍ନୀତି ହୋଇନି ଓ ସମସ୍ତ ଅଭିଯୋଗ ଭିତ୍ତିହୀନ। ସ୍ପେଶାଲ ଜେନେରାଲ ବଡି ବୈଠକରେ ସଭ୍ୟମାନେ ବର୍ତ୍ତମାନ ନିର୍ବାଚନ ନ କରିବାକୁ ସହମତ ହୋଇଥିବା ସେ କହିଛନ୍ତି। ସେହିପରି, ନୂଆ ସ୍ପୋର୍ଟ୍ସ ବିଲ୍ ଆସିବା ପରେ ଓ BCCI ନିର୍ଦ୍ଦେଶ ମିଳିଲେ ପରେ ମାତ୍ର ନିର୍ବାଚନ କରାଯିବ ବୋଲି OCA ପକ୍ଷରୁ ସ୍ପଷ୍ଟ କରାଯାଇଛି। ଏହି ଘଟଣା ଆଗାମୀ ଦିନରେ ଆହୁରି ତିବ୍ର ରୂପ ନେବା ସମ୍ଭାବନା ରହିଛି, ଏବଂ ଆଇନୀ ଓ ପ୍ରଶାସନିକ ସ୍ତରରେ ଏହାର ପ୍ରଭାବ ପଡ଼ିପାରେ।