ରିପୋର୍ଟର୍ସ ଟୁଡେ ବ୍ୟୁରୋ;- କଳିଙ୍ଗଷ୍ଟାଡିୟମ ଆସିବାକୁ ଦର୍ଶକଙ୍କୁ ନିବେଦନ କଲେ ନୀରଜ ଚୋପ୍ରା । ଭାରତ ପ୍ରଥମଥର ଲାଗି ଇଣ୍ଡିଆ ଓପନ୍ ବିଶ୍ୱ ଆଥଲେଟିକ୍ସ କଣ୍ଟିନେଣ୍ଟାଲ ଟୁର ବ୍ରୋଞ୍ଜ ପ୍ରତିଯୋଗିତା ଅୟୋଜନ କରିବାକୁ ଯାଉଥିବା ବେଳେ ଏହା କଳିଙ୍ଗ ଷ୍ଟାଡିୟମରେ ହେବ ।
ସେପଟେ ଏନେଇ ଭାରତ ସହ ୧୭ ଦେଶ ଖେଳାଳୀ ମାନେ ଭୁବନେଶ୍ୱରରେ ପହଞ୍ଚିସାରିଲେଣି । ଓଡିଶା ସରକାର ଏହି ପ୍ରତିଯୋଗିତା ଆୟୋଜନ ଅଧିକାର ପାଇଥିବାରୁ ରାଜ୍ୟବାସୀ ମଧ୍ୟ ବହୁଦିନ ପରେ ଏକ ଅନ୍ତର୍ଜାତୀୟ ଆଥଲେଟିକ୍ସ ପ୍ରତିଯୋଗିତା ଦେଖିବାର ସୁଯୋଗ ପାଇଛନ୍ତି । ସରକାର ମଧ୍ୟ ପ୍ରବେଶ ପାଇଁ କୌଣସି ଅର୍ଥ ଦେବାକୁ ପଡିବନି ବୋଲି ଘୋଷଣା କରିଛନ୍ତ । ଏହି ପ୍ରତିଯୋଗିତାରେ ଅଂଶଗ୍ରହଣ କରିବେନି ଅଲିମ୍ପିକ୍ସ ବିଜେତା ଜାଭଲିନ୍ ପିଙ୍ଗାଳି ନୀରଜ ଚୋପ୍ରା ।କିନ୍ତୁ ସମସ୍ତଙ୍କୁ ଜଣାଇଛନ୍ତି ନିଜର ଶୁଭେଚ୍ଛା ବାର୍ତ୍ତା ଏବଂ ଦର୍ଶକ ମାନଙ୍କୁ ଷ୍ଟାଡିୟମ ଆସି ଖେଳ ଦେଖିବାକୁ ନିବେଦନ କରିଛନ୍ତି ।
ଖାଲି ସେତିକି ନୁହେଁ ଭାରତ ସରକାର ଏବଂ ଓଡିଶା ସରକାର ଓ ସର୍ବଭାରତୀୟ ଦୌଡକୁଦ ମହାସଂଘକୁ ଧନ୍ୟବାଦ ଜଣାଇଛନ୍ତି ନୀରଜ ଚୋପ୍ରା । କଳିଙ୍ଗ ଷ୍ଟାଡିୟମ୍ ପୂର୍ବରୁ ୨୦୧୭ ମସିହାରେ ଏସିଆନ୍ ଆଥ୍ଲେଟିକ୍ସ ପ୍ରତିଯୋଗିତା ସଫଳତାର ସହ ଆୟୋଜନ କରିସାରିଛି।