Asim Munir: ପାକିସ୍ତାନର ସେନା ମୁଖ୍ୟ, ଫିଲ୍ଡ ମାର୍ଶାଲ ଅସୀମ ମୁନିର ପୁଣି ଥରେ ଭାରତକୁ ଧମକ ଦେଇଛନ୍ତି। ପୁଣି ଥରେ, ଅସୀମ ମୁନିର ମିଥ୍ୟା ଦାବି କରିଛନ୍ତି ଏବଂ ପାକିସ୍ତାନୀ ସେନାର ପ୍ରଶଂସା କରିଛନ୍ତି। ମୁନିର ଜୋର୍ଡାନର ରାଜା ଅବଦୁଲ୍ଲା ଦ୍ୱିତୀୟଙ୍କ ସମ୍ମୁଖରେ ତାଙ୍କ ସେନାର ମିଛ ପ୍ରଶଂସା କରିବା ସହ ଭାରତକୁ ଧମକ ଦେଇଛନ୍ତି। ମୁନିର କହିଛନ୍ତି ଯେ ପାକିସ୍ତାନୀ ସେନା ହେଉଛି ଆଲ୍ଲାଙ୍କ ସେନା, ଏବଂ ଯେତେବେଳେ ଜଣେ ମୁସଲମାନ ଆଲ୍ଲାଙ୍କ ଉପରେ ଭରସା କରେ ଶତ୍ରୁ ଉପରେ ଫିଙ୍ଗାଯାଇଥିବା ମାଟି ମଧ୍ୟ ଏକ କ୍ଷେପଣାସ୍ତ୍ରରେ ପରିଣତ ହୁଏ। ସେ କହିଛନ୍ତି ଯେ ଯଦି କେହି ପୁଣି ଥରେ ପାକିସ୍ତାନ ଉପରେ ଯୁଦ୍ଧ ଲାଗୁ କରିବାକୁ ଚେଷ୍ଟା କରେ, ତେବେ ସେମାନଙ୍କୁ କଡ଼ା ଜବାବ ଦିଆଯିବ।
ରିପୋର୍ଟ ଅନୁଯାୟୀ, ରବିବାର ଜୋର୍ଡାନର ରାଜା ଅବଦୁଲ୍ଲା ଦ୍ୱିତୀୟଙ୍କ ସମ୍ମାନରେ ଆୟୋଜିତ ଏକ ମଧ୍ୟାହ୍ନ ଭୋଜନରେ, ଅସୀମ ମୁନିର ମେ ମାସରେ ଭାରତ ସହିତ ଚାରି ଦିନିଆ ସଂଘର୍ଷର କଥା ଉଲ୍ଲେଖ କରିଥିଲେ। ମୁନିର ପୁଣି ଥରେ ପାକିସ୍ତାନର ମିଛ ବିଜୟ କଥା ଶୁଣାଇଥିଲେ । ସେ କହିଥିଲେ ଯେ ପାକିସ୍ତାନୀ ସେନା ଭାରତୀୟ ଆକ୍ରମଣକୁ ଦୃଢ଼ ଭାବରେ ପ୍ରତିରୋଧ କରିଥିଲା। ମୁନିର କହିଥିଲେ, ଭାରତ ସହିତ ଯୁଦ୍ଧ ସମୟରେ ଆଲ୍ଲା ଆମକୁ ମୁଣ୍ଡ ଉଚ୍ଚ ରଖିବାରେ ସାହାଯ୍ୟ କରିଥିଲେ। ଯେତେବେଳେ ଜଣେ ମୁସଲମାନ ତାଙ୍କ ଆଲ୍ଲାହଙ୍କ ଉପରେ ଭରସା କରେ, ଶତ୍ରୁଙ୍କ ଉପରେ ଫିଙ୍ଗାଯାଇଥିବା ମାଟି ବି କ୍ଷେପଣାସ୍ତ୍ରରେ ପରିଣତ ହୁଏ। ଆଲ୍ଲାହଙ୍କ ନିର୍ଦ୍ଦେଶ ଅନୁସାରେ ଆମେ ଆମର କର୍ତ୍ତବ୍ୟ ପାଳନ କରୁ। ଆଲ୍ଲାହଙ୍କ ସାହାଯ୍ୟରେ ପାକିସ୍ତାନ ତା’ର ଶତ୍ରୁ ସହିତ ଲଢ଼ିଛି। ପାକିସ୍ତାନ ସେନା ହେଉଛି ଆଲ୍ଲାହଙ୍କ ସେନା । ଆମର ସୈନିକମାନେ ଆଲ୍ଲାହଙ୍କ ନାମରେ ଶତ୍ରୁ ସହିତ ଲଢ଼ିଛନ୍ତି।