ସମ୍ବଲପୁର(ରିପୋର୍ଟର୍ସ ଟୁଡେ) : ଉଜ୍ଜ୍ୱଳା ଯୋଜନାର ବାସ୍ତବ ଚିତ୍ର ସମ୍ନାକୁ ଆସିଛି । ୨୦୧୯ ଅକ୍ଟୋବର ମାସରୁ କୌଣସି ଉପଭକ୍ତାଙ୍କୁ ଗ୍ୟାସ ସଂଯୋଗ ଦିଆଯାଇ ନାହିଁ । ହଜାର ହଜାର ନୂତନ ଆବେଦନ କାରି ଅପେକ୍ଷା କରିଛନ୍ତି ଗ୍ୟାସ ସଂଯୋଗ ପାଇଁ କିନ୍ତୁ ଗ୍ୟାସ ମିଳିବା ନେଇ କୌଣସି ସୂଚନା ସେମାନଙ୍କ ପାଖରେ ନାହିଁ । ୨୦୧୬ରେ ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନା ଆରମ୍ଭ ହୋଇଥିଲା । ୨୦୧୭ରେ ସମ୍ବଲପୁର ଜିଲ୍ଲାରେ ଏହି ଯୋଜନାକୁ ଲାଗୁ କରାଯାଇଥିଲା । ପ୍ରାଥମିକ ସ୍ତରରେ ଗ୍ୟାସ ବଣ୍ଟନ କାର୍ଯ୍ୟାକ୍ରମ କୁ ଅନେକ ପ୍ରଚାର ପ୍ରସାର କରାଯାଇଥିଲା ।
୨୦୧୭ ଓ ୨୦୧୯ ରେ କମ୍ପାନୀ ପ୍ରାୟ ୩୫ ଡିଲର ଜରିଆରେ ୧ ଲକ୍ଷ ୨ ହଜାର ଗ୍ରାହକଙ୍କୁ ଉଜ୍ଜ୍ୱଳା ଯୋଜନାରେ ସମିଲ କରାଯାଇଥିଲା । କିନ୍ତୁ ପରବର୍ତ୍ତି ଅବସ୍ଥାରେ କେତେ ଗ୍ରାହକଙ୍କୁ ମାନେ ରିଫିଲିଂ କରିଛନ୍ତି ତାହା କମ୍ପାନୀ ସୂଚନା ଦେବାକୁ ଅନିଚ୍ଛା ପ୍ରକାଶ କରିଛନ୍ତି । କେତକ ଗ୍ରାହକଙ୍କୁ ସବସିଡି ନମିଳିବା ସହିତ ଦାରିଦ୍ରତା ଓ ଆଦୀବାସି ଅଞ୍ଚଳରେ କାଠା କୋଇଲା ମିଳିିଯାଉଥିବାରୁ ଗ୍ୟାସ ରଫିଲିଂ କରିବାକୁ ଅନିଚ୍ଛା ପ୍ରକାଶ କରିଛନ୍ତି । ଏହାର ଲାଭ ଉଠାଇ ଡିଲର ମାନେ ଗ୍ୟାସ ରିଫିଲିଂ କରି କଳାବଜାରି କରୁଛନ୍ତି ।