ନାଗପୁର: ନାଗପୁର ଟି ଟ୍ବେଣ୍ଟିରେ ଭାରତର ୨୩୮ ରନ୍ର ବିଶାଳ ସ୍କୋର । ନିର୍ଦ୍ଧାରିତ ଓଭରରେ ଭାରତର ସ୍କୋର ୨୩୮/୭ । ନ୍ୟୁଜିଲାଣ୍ଡକୁ ୨୩୯ ରନ୍ର ଟାର୍ଗେଟ୍ ଦେଲା ଭାରତ । ଅଭିଷେକ ଶର୍ମାଙ୍କ ୩୫ ବଲ୍ରୁ ୮୪ ରନ୍ର ଧୂଆଁଧାର ଇନିଂସ । ୮ ଛକା ଓ ୫ ଚୌକା ସହାୟତାରେ ଅଭିଷେକଙ୍କ ୮୪ ରନ୍ ।
ଭ୍ରମଣକାରୀ ଟିମର ଅଧିନାୟକ ମିଚେଲ ସାଣ୍ଟନର ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ଭାରତ ପ୍ରଥମ ଦୁଇଟି ୱିକେଟ ଶସ୍ତାରେ ହରାଇ ବସିଥିଲା । ଓପନର ସଞ୍ଜୁ ସାମସନ (୧୦) ଏବଂ ଇଶାନ କିଶନ (୮) ରନ୍ ଆଉଟ୍ ହୋଇଥିଲେ । ଗୋଟିଏ ପଟେ କିନ୍ତୁ ଟିମକୁ ଆଗକୁ ବଢାଇ ଚାଲିଥିଲେ ଅଭିଷେକ ଶର୍ମା । ଅଧିନାୟକ ସୂର୍ଯ୍ୟକୁମାର ଯାଦବଙ୍କ ସହ ମିଶି ୯୯ ରନ୍ ପାର୍ଟନରଶିପ ହୋଇଥିଲା । ଏହାପରେ ସୂର୍ଯ୍ୟକୁମାର ୩୨ ରନ୍ ବ୍ୟକ୍ତିଗତ ସ୍କୋରରେ ସାଣ୍ଟନରଙ୍କ ବଲରେ କ୍ୟାଚ୍ ଆଉଟ୍ ହୋଇଥିଲେ । ଅଭିଷେକ ଶର୍ମା (୮୪), ହାର୍ଦ୍ଦିକ ପାଣ୍ଡ୍ୟା (୨୫), ଶିଭମ ଦୁବେ (୯), ରିଙ୍କୁ ସିଂହ (୪୪), ଅକ୍ଷର ପଟେଲ (୫) ଅର୍ଶଦୀପ ସିଂହ (୬) ରନ୍ କରିଥିଲେ । ନ୍ୟୁଜିଲାଣ୍ଡ ପାଇଁ ଜାକବ ଡଫି, କାୟଲ ଜେମିସନ ଦୁଇଟି ଲେଖାଏଁ ୱିକେଟ୍ ନେଇଥିଲେ । କ୍ଲାର୍କ, ଇଶ୍ ଶୋଢି, ସାଣ୍ଟନର ଗୋଟିଏ ଲେଖାଏଁ ୱିକେଟ୍ ନେଇଥିଲେ ।
ଏହା ସହିତ, ଅଭିଷେକ ଭାରତ ପାଇଁ T20I ରେ ସର୍ବାଧିକ ଛକା ମାରିବା ତାଲିକାରେ ଷଷ୍ଠ ସ୍ଥାନକୁ ଉଠିଛନ୍ତି। KL ରାହୁଲ ୯୯ ଛକା ସହିତ ତାଲିକାରେ ପଞ୍ଚମ ସ୍ଥାନରେ ଅଛନ୍ତି। ଏବେ, ଅଭିଷେକଙ୍କ ପରବର୍ତ୍ତୀ ଲକ୍ଷ୍ୟ ହେବ KL ରାହୁଲଙ୍କ ରେକର୍ଡ ଭାଙ୍ଗିବା। ଅଭିଷେକ ତାଙ୍କ ଛ’ ମାରିବା କ୍ଷମତା ପାଇଁ ଜଣାଶୁଣା।ଏକ ଦ୍ରୁତ ଇନିଂସ ଖେଳିଲେ: ଅଭିଷେକ ନାଗପୁରରେ ନ୍ୟୁଜିଲାଣ୍ଡ ବିପକ୍ଷରେ ପ୍ରଥମ ଟି-୨୦ରେ ତାଙ୍କର ଶତକ ହାତଛଡ଼ା କରିଥିଲେ। ସେ ମାତ୍ର ୩୫ ବଲ୍ରେ ପାଞ୍ଚ ଚୌକା ଏବଂ ଆଠ ଛକା ମାରି ୮୪ ରନ୍ କରିଥିଲେ। ଆଉଟ୍ ହେବା ପରେ ଅଭିଷେକ ବହୁତ ନିରାଶ ଦେଖାଯାଉଥିଲେ। ମାତ୍ର ୧୬ ରନ୍ ପାଇଁ ସେ ତାଙ୍କର ଶତକ ହାତଛଡ଼ା କରିଥିବାରୁ ସେ ସ୍ପଷ୍ଟ ଭାବରେ ଦୁଃଖିତ ଥିଲେ।