ମୁମ୍ବାଇ: ମାହାରାଷ୍ଟ୍ରରେ ଚାଲିଥବା ହାଇଡ଼୍ରାମା ରାଜନୀତିରେ କିଛିଦିନ ହେବ ପୁର୍ଣ୍ଣଛେଦ ପଡ଼ିଥିବା ବେଳେ, ଏବେ ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଶିବସେନା ମୁଖ୍ୟ ଉଦ୍ଧବ ଠାକେର ଏବଂ ମହାବିକାଶ ଅଗାଡ଼ି ପାର୍ଟିକୁ ଟାର୍କେଟ କରିଛନ୍ତି । ସେ ଏହି ରାଜନୈତିକ ଦଳକୁ ଖୋଲା ଚ୍ୟାଲେଞ୍ଜ କରି କହିଛନ୍ତି ଯେ, ତାଙ୍କୁ ସମର୍ଥନ କରିଥିବା ୪୦ ଶିବସେନା ବିଧାୟକଙ୍କ ମଧ୍ୟରୁ ଜଣେ ମଧ୍ୟ ପାବର୍ତ୍ତୀ ବିଧାନସଭା ନିର୍ବାଚନରେ ହାରିଗଲେ ସେ ରାଜନୀତି ଛାଡ଼ି ଦେବେ ବୋଲି ଘୋଷଣା କରିଛନ୍ତି ।
ଏକନାଥ ସିନ୍ଦେଙ୍କ ଜଣେ ସମର୍ଥକ ବିଧାୟକ ଅବୁଦୁଲ ସତ୍ତାରଙ୍କ ଏକ ସମାବେଶକୁ ସମ୍ବୋଧିତ କରିବାବେଳେ ମୁଖ୍ୟମନ୍ତ୍ରୀ ସିନ୍ଦେ କହିଛନ୍ତି ଯେ, ଏହି ୫୦ ଜଣ ବିଧାୟକ ଜିତିବେ । ସେମାନଙ୍କ ମଧ୍ୟରୁ କେହି ହାରନ୍ତି ତାହା ହେଲେ, ମୁଁ ରାଜନୀତି ଛାଡ଼ି ଦେବି । ଅନ୍ୟପଟେ ସେ ଏହା ମଧ୍ୟ କହିଛନ୍ତି ଯେ ଆଗାମୀ ରାଜ୍ୟ ନିର୍ବାଚନରେ ତାଙ୍କ ଶିବସେନା ଏବଂ ସହଯୋଗୀ ଭାରତୀୟ ଜନତା ପାର୍ଟି ମିଳିତ ଭାବେ ୨୦୦ ଟି ଆସନ ପାଇବେ ନଚେତ ସେ ରାଜନୀତି ଛାଡିବେ ।