ବାଂଲାଦେଶ ପରେ ପାକିସ୍ତାନ କ୍ରିକେଟ କଣ୍ଟ୍ରୋଲ ବୋର୍ଡ ୨୦୨୬ ଟି-୨୦ ବିଶ୍ବକପ ନଖେଳିବାକୁ ଯୋଜନା କରୁଛି । ପିସିବି ମୁଖ୍ୟଙ୍କ ବୟାନ ଏହି ଦିଗକୁ ଇଙ୍ଗିତ କରୁଥିବା ବେଳେ ଆଇସିସି ବି କାର୍ଯ୍ୟାନୁଷ୍ଠାନ ନେବାକୁ ପ୍ରସ୍ତୁତ ହୋଇ ରହିଛି । ଆଇସିସି ପାକିସ୍ତାନ କ୍ରିକେଟ କଣ୍ଟ୍ରୋଲ ବୋର୍ଡକୁ ଚେତବାନୀ ବି ଦେଇ ଦେଇଛି ଯଦି ପାକିସ୍ତାନ ବିଶ୍ବକପରୁ ଓହରି ଯାଏ ତେବେ ତା’ ଉପରେ ପଦକ୍ଷେପ ନେବାକୁ ଆଇସିସି ପ୍ରସ୍ତୁତି ଚଲାଇଛି ଯାହା ପାକିସ୍ତାନକୁ ଅନ୍ତର୍ଜାତୀୟ କ୍ରିକେଟରୁ ସମ୍ପୂର୍ଣ୍ଣ ଭାବରେ ବିଚ୍ଛିନ୍ନ କରିବ । ଏଥିରେ ସମସ୍ତ ଦ୍ୱିପାକ୍ଷିକ ସିରିଜ, ଏସିଆ କପରୁ ଏହାକୁ ବାଦ ଦେବା ଏବଂ ବିଦେଶୀ ଖେଳାଳିମାନଙ୍କୁ ପାକିସ୍ତାନ ସୁପର ଲିଗରେ ଅଂଶଗ୍ରହଣ କରିବାରୁ ରୋକିବା ପାଇଁ ଆଇସିସି ବୋର୍ଡ ସଦସ୍ୟମାନଙ୍କୁ ସେମାନଙ୍କ ଖେଳାଳିଙ୍କ ଠାରୁ NOC ସ୍ଥଗିତ ରଖିବା ପାଇଁ ଏକ ନୀତି କାର୍ଯ୍ୟକାରୀ କରିବା ଅନ୍ତର୍ଭୁକ୍ତ।
ସୂଚନାଯୋଗ୍ୟ, ପିସିବି ମୁଖ୍ୟ ମୋହସିନ ନକଓ୍ବି ବାଂଲାଦେଶକୁ ସମର୍ଥନ କରିବା ସହ ପାକିସ୍ତାନ ବି ବିଶ୍ବକପରୁ ବାହାର ହେବା ଭଳି ସଙ୍କେତ ଦେଇଛନ୍ତି । ତେବେ ଏ ସମ୍ପର୍କରେ ଶେଷ ନିଷ୍ପତ୍ତି ପାକିସ୍ତାନ ସରକାର ନେବେ ବୋଲି ସେ କହିଛନ୍ତି ।